काठमाडौं ।
मलेसियाले फाइभजी नेटवर्कको रणनीति समीक्षा गर्ने भएको छ।
प्रधानमन्त्री अनवर इब्राहिमलाई उद्धृत गर्दै मलेसिया सरकारले देशको ५जी नेटवर्क रणनीतिको समीक्षा गर्ने रोयटर्सले रिपोर्ट गरेको छ।
२०२१ मा मुहिद्दिन यासिनको प्रिमियरशिपमा, मलेसियाले मोबाइल सेवाहरू प्रदान गर्न पूर्वाधार प्रयोग गर्ने विभिन्न अपरेटरहरूसँग सरकारी स्वामित्वको एजेन्सी डिजिटल नेसनल बर्हाड (डीएनबी) को पूर्ण ५जी स्पेक्ट्रमको स्वामित्वसहितका लागि योजना पेश गरेको थियो।
तर सो कार्य विवादमा परेसँगै मलेशियामा ५जी सेवाको रोलआउटमा ढिलाई भएको छ।
केहि समयअघि मात्र टेलिकम अपरेटरहरुले उक्त डीएनबीको शेयर लिन राजी भएका थिए।
फाइभजी स्पेक्ट्रमको एकल-स्वामित्वले मूल्य निर्धारण, पारदर्शिता र एकाधिकारमा देशका प्रमुख क्यारियरहरुबाट चिन्ताहरू खडा गरेको छ।
अन्वरले “कुनै उचित टेन्डर प्रक्रिया” नभएको आरोप लगाउँदै, फाइभजी योजनाहरूलाई तिनीहरूले कडाईका साथ प्रक्रियाहरू पालना गरेको सुनिश्चित गर्न मूल्याङ्कन गरिने बताए।
“यो पारदर्शी ढंगले हुन नसकेकोले समीक्षा गर्न आवश्यक छ,” अनवरले आफ्नो पहिलो मन्त्रिपरिषद् बैठक पछि पत्रकार सम्मेलनमा भनेको रिपोर्टमा उल्लेख छ।
प्रकाशित: २१ मंसिर २०७९, बुधबार
