काठमाडौं ।
चीनले आफ्नो चन्द्रमा अवतरण लक्ष्यको नजिक पुग्दै नयाँ पुस्ताको क्रुड स्पेसशिप, नयाँ पुस्ताको मानव वाहक रकेट, चन्द्रमा ल्यान्डर र चन्द्रमा अवतरण गर्ने स्पेससुटको विकासमा सफलता हासिल गरेको चीन मानव अन्तरिक्ष एजेन्सीले सोमबार जनाएको छ।
चीनले मानवयुक्त चन्द्रमा अन्वेषण परियोजनाको मुख्य प्राविधिक अनुसन्धान र प्रमाणीकरण पूरा गरेको बताएको समाचार एजेन्सी शिन्ह्वाले उल्लेख गरेको छ। “चिनियाँ विशेषताहरू” सहितको चन्द्रमा अवतरण कार्यान्वयन योजना बनाएको एजेन्सीका निर्देशकका सहायक जी छिमिङले १५ औं मानव अन्तरिक्ष मिशनमा शेन्झाउको प्रक्षेपण अघि पत्रकार सम्मेलनमा भने।
“अन्तरिक्ष अन्वेषणमा चीनको पाइला लो अर्थ अर्बिटमा मात्र रहनेछैन, र हामी पक्कै पनि थप उडान गर्नेछौं,” जीले चीन कहिले चन्द्रमामा अवतरण गर्ने प्रश्नको जवाफ दिए।
“देश चन्द्रमा अवतरण परियोजना कार्यान्वयन गर्न तयार छ। मलाई विश्वास छ निकट भविष्यमा चन्द्रमामा अवतरण गर्ने सपना साकार हुनेछ,” जीले भने।
प्रकाशित: १३ मंसिर २०७९, मंगलवार
