काठमाडौं ।
ट्विटर पछि, अब मेटा (पहिले फेसबुक भनेर चिनिने) ले धेरै कर्मचारीहरूलाई हटाउने योजना बनाएको छ। कति मानिसलाई बाहिर निकाल्ने भन्ने यकिन संख्या अझै स्पष्ट छैन।
न्यूयोर्क टाइम्सको एक रिपोर्टअनुसार यो साताको अन्त्यसम्ममा कर्मचारीहरू हटाउने काम सुरु हुनेछ। यो सन् २००४ मा यसको स्थापना पछि कम्पनीको सबैभन्दा ठूलो ‘लेअफ’ अर्थात कटौती हुन सक्छ।
मेटामा ८७,३१४ कर्मचारीहरू
सेप्टेम्बर २०२२ को अन्त्य सम्म, मेटामा ८७,३१४ कर्मचारीहरू थिए। मेटाले हाल ह्वाट्सएप, इन्स्टाग्राम र फेसबुक सहित विश्वका केही ठूला सामाजिक मिडिया प्लेटफर्महरूको स्वामित्व राखेको छ।
यद्यपि, कम्पनीले मेटाभर्समा आफ्नो खर्च बढाउँदैछ। मेटाभर्स एक भर्चुअल संसार हो जहाँ प्रयोगकर्ताहरूले आफ्नै अवतारहरू सिर्जना गर्न सक्छन्। तर न्यून ग्रहण दर र महँगो अनुसन्धान तथा विकासका कारण कम्पनीले घाटा बेहोर्दै आएको छ। कर्मचारी कटौतीबाट केही हदसम्म आर्थिक संकट कम हुने अपेक्षा गरिएको छ।
मेटाभर्समा लगानीको नोक्सानी
गत महिनाको अन्तमा, मेटाले डिसेम्बर त्रैमासिकको लागि राजस्व आउट लुक घोषणा गर्यो। कम्पनीले आगामी वर्ष मेटाभर्समा लगानी गर्दा ठूलो घाटा हुने बताएको थियो। यो जानकारी सार्वजनिक भएपछि कम्पनीको सेयर मूल्यमा भारी गिरावट आएको छ। मेटाको स्टक यस वर्ष ७० प्रतिशत भन्दा बढी गुमायो।
यद्यपि, मेटाका सीईओ मार्क जुकरबर्गले लगानीकर्ताहरूलाई ब्रान्डमा विश्वास गर्न आग्रह गरेका छन्। कम्पनीमा रहनेहरुले यसको फाइदा पक्कै पाउने उनको दाबी छ।
प्रकाशित: २१ कार्तिक २०७९, सोमबार
