काठमाडौं ।
क्रूज जायन्ट कम्पनी रोयल क्यारिबियन ग्रुपले समुद्रमा तिब्रगतिको इन्टरनेट प्रदान गर्न स्टारलिंक प्रणाली प्रयोग गर्न इलन मस्कको रकेट कम्पनी स्पेसएक्ससँग सम्झौता गर्ने बताएको छ।
अतिथिहरूले सामान्यतया क्रूज जहाजहरूमा इन्टरनेटको लागि अतिरिक्त रकम तिर्नुपर्छ तर कनेक्सन ऐतिहासिक रूपमा कमजोर हुने बीबीसीले उल्लेख गरेको छ।
साझेदारीले “भिडियो स्ट्रिमिङ जस्ता उच्च ब्यान्डविथ भएका गतिविधिहरूलाई सक्षम पार्नेछ”, रोयल क्यारिबियनका प्रमुख कार्यकारी जेसन लिबर्टीले भने।
स्टारलिङ्कले पृथ्वीको परिक्रमा गर्ने स्याटेलाइटहरूको ठूलो नेटवर्क प्रयोग गर्दछ।
लिबर्टीले मंगलबार एक विज्ञप्तिमा रोयल क्यारिबियन जहाजहरूमा स्टारलिंकको स्थापना तुरुन्तै सुरु हुने र मार्च २०२३ सम्म पूरा हुने बताएका छन्।
साझेदारीले “यात्रा उद्योगमा स्टारलिंकको उच्च-स्पीड इन्टरनेटको सबैभन्दा ठूलो सार्वजनिक जडान कार्य हुनेछ,” उनले थपे।
“यस प्रविधिले हाम्रा जहाजहरूमा खेल परिवर्तन गर्ने इन्टरनेट जडान प्रदान गर्नेछ, पाहुना र चालक दलका लागि समान रूपमा क्रूज अनुभव वृद्धि गर्नेछ,” लिबर्टीले भने।
स्पेसएक्सद्वारा सञ्चालित स्टारलिंक दुर्गम क्षेत्रहरूमा बस्ने मानिसहरूलाई उच्च-गतिको इन्टरनेट उपलब्ध गराउन डिजाइन गरिएको हो।
यो पृथ्वीको वरिपरि लो अर्थ अर्बिटमा राखिएका हजारौं स्याटेलाइट (भूउपग्रह)हरूमा निर्भर छ। यसले भूउपग्रह र जमिन बीचको जडान गतिलाई सकेसम्म छिटो बनाउँछ।
प्रकाशित: १५ भाद्र २०७९, बुधबार
