काठमाडौं ।
अदालतले ट्विटर डाटाको व्यापक प्रयोग गर्न पाउने इलन मस्कको अनुरोध अस्वीकार गरेको छ।
इलोन मस्कको बिरूद्ध ट्विटरको मुद्दाको अध्यक्षता गर्ने न्यायाधीश काथालिन म्याककोर्मिकले बहु–कम्पनी कार्यकारीको डाटाको व्यापक मात्रामा पहुँच गर्ने अनुरोधलाई अस्विकार गर्दै ट्विटरबाट थप डाटा वारेन्टी गर्नुपर्ने र मस्कको क्याम्पले उपसेट उत्पादन गर्न आदेश दिइन्।
अन्तर्राष्ट्रिय समाचार संस्था अनुसार, अमेरिकाको डेलावेयरस्थीत चान्सरी कोर्टमा न्यायाधीशले ट्विटरलाई स्प्याम खाताहरूको संख्या निर्धारण गर्न २०२१ को चौथो क्वाटरमा समीक्षा गरिएका ९,००० खाताहरूबाट डाटा हस्तान्तरण गर्न आदेश दिएकी छन्।
यसले ती खाताहरू कसरी देखाउने कागजातहरू उत्पादन गर्नुपर्छ, जसलाई ट्विटरले “ऐतिहासिक स्न्यापसट” भनेपनि समिक्षा गर्न न्यायधीश म्याककोर्मिकले जनाएकी छन्।
मस्कले गत अप्रिलमा प्रति शेयर ५४.२० अमेरिकी डलरमा अर्थात पूर्ण ४४ अर्ब डलरमा ट्विटर किन्न इलन मस्कसँग पराग अग्रवालको सम्झौता भएको थियो।
इलन मस्कले नक्कली खाताहरू ÷ह्यान्डलहरूको बारेमा जानकारी नदिएकाले सम्झौता पूरा नभई मुद्दा चलेको हो।
पछिल्लो समय यो विवाद समाधान हुनुको सट्टा प्रतिस्पर्धा स्वरुप समाचार संस्थाहरुको हेडलाइन बनिरहेको सामाजिक सञ्जालहरुले जनाएका छन्।
इलन मस्कलाई ट्विटर डिल रद्द गर्नुअघि धम्कीपूर्ण सन्देश पठाएको आरोप समेत लागेको छ।
ट्विटरले लामो समयदेखि दाबी गर्दै आएको छ कि विज्ञापनहरू हेर्ने अप्रमाणिक खाताहरू, जसलाई मोनेटाइजेबल दैनिक सक्रिय प्रयोगकर्ताहरू वा एमडीएयू भनिन्छ, यसको प्रयोगकर्ताबेसको पाँच प्रतिशत भन्दा कम प्रतिनिधित्व गर्दछ।
यद्यपि, मस्कले कानूनी फाइलिङमा वास्तविक संख्या धेरै भएको र एमडीएयूहरूले वेबसाइटका प्रयोगकर्ताहरूको १० प्रतिशत प्रतिनिधित्व गर्ने जनाएका छन्।
ट्विटरले २०२१ को चौथो क्वाटरमा प्रयोग गरेको ऐतिहासिक स्न्यापसट अहिले अवस्थित छैन। यसलाई पुनः सिर्जना गर्न दुई हप्ता लाग्ने भएकाले न्यायधीश म्याककोर्मिकले कम्पनीलाई उक्त समय समेत दिएकी छन्।
प्रकाशित: १२ भाद्र २०७९, आईतवार
