काठमाडौं ।
केही समयअघि भारतमा धेरै चिनियाँ एप्समाथि प्रतिबन्ध लगाइएको थियो। यी एपहरू मध्ये, यो बन्द हुँदा सबैभन्दा धेरै चर्चा पाउने मध्येको एप टिकटक एप पनि हो।
शर्ट भिडियो प्लेटफर्म टिकटक प्रतिबन्धित भएपछि भारतीयहरूले लामो समयदेखि यो एप चलाउन सकेका छैनन भने स्थानीय एपहरु फस्टाएका छन् ।
यो एपले एक पटक फेरि भारतमा ‘कमब्याक’ गर्न सक्ने रिपोर्ट आएको छ। तर, भारत सरकारले यसबारे कुनै जानकारी दिएको छैन।
भारतीय मिडियाहरुकाअनुसार केही महिना अघि, टिकटकको कम्पनी बाइटडान्सले मुम्बईको एक कम्पनीसँग कसरी टिकटकलाई भारतमा पुन: परिचय गराउने भनेर वार्ता गरिरहेको थियो।
हाल, एक प्रमुख ई-स्पोर्ट्स र गेमिङ कम्पनी, स्काइस्पोर्ट्सले पुष्टि गरेको छ कि टिकटक भारतमा फिर्ता आउँदैछ। भारतमा फेरि एक पटक मानिसहरूले यो छोटो भिडियो एप प्रयोग गर्न सक्षम हुने अनुमान गरिएको छ।
स्रोतहरू उदृत गर्दै आएका समाचार रिपोर्टअनुसार स्काईस्पोर्ट्सका सीईओ, शिव नन्दीले एक बयान दिएका छन् जसमा टिकटकले फेरि भारतमा पुनरागमन गरिरहेको कुरा पुष्टि भएको छ।
शिव नन्दीका अनुसार यदि यो भयो भने, भिडियो गेम बीजीएमआईले पनि भारतमा १००% कमब्याक गर्नेछ। केही महिना अघि, बाइटडान्सले भिडियो साझेदारी प्लेटफर्मलाई भारतमा फिर्ता ल्याउन हिरानंदानी समूहसँग वार्ता गरिरहेको ईटी रिपोर्टले दाबी गरेको थियो।
प्रकाशित: २५ श्रावण २०७९, बुधबार
