बारा जिल्लामा साइबर अपराध मुख्य चुनौती

काठमाडौं ।

जिल्ला प्रहरी कार्यालय बाराका प्रहरी उपरीक्षक गोविन्द्र बोगटीले साइबर अपराध र खुला सीमा अहिलेको मुख्य चुनौती रहेको बताएका छन्।

कलैयामा आयोजना गरिएको पत्रकार भेटघाट कार्यक्रममा उनले चुनावको मिति घोषणासँगै नेपाल प्रहरीमाथि थप जिम्मेवारी पनि थपिएको र त्यही जिम्मेवारी पूरा गर्न अहिलेदेखि नै विशेष कार्यक्रम बनाएर अगाडि बढ्ने उनले बताए।

नयाँ नयाँ प्रकृतिको साइबर अपराधका घटनाहरू दिनानुदिन हुने गरेको र भारतसँग खुला सीमा रहेका कारणले सुरक्षामा सानो गल्तीले ठूलो दुर्घटना निम्त्याउने डरसमेत रहेकाले त्यसको रोकथामको लागि प्रहरीसँग भएको स्रोत साधनहरूलाई अधिकतम उपयोग गरेर नियन्त्रण गर्न प्रहरी लागेको जानकारी दिए। गोरखापत्रबाट