अमेरिकामा ग्रामीण इन्टरनेट पहुँचका लागि ४० करोड डलरको घोषणा

काठमाडौं ।

अमेरिकामा ११ राज्यका ३१ हजार ग्रामीण बासिन्दा र व्यवसायहरूलाई उच्च गतिको इन्टरनेटमा पहुँच प्रदान गर्न अमेरिकी सरकारले ४० करोड १० लाख डलर उपलब्ध गराउने भएको छ।

वेबमा पहुँच विस्तार गर्न बिडेनको अभियानको एक भागको रूपमा अमेरिकी राष्ट्रपति जो बाडेनको प्रशासनले सो घोषणा गरेको रोयटर्सले जनाएको छ।

“यो पैसाले हामी सबैका लागि किफायती र भरपर्दो इन्टरनेटको राष्ट्रपति बाइडेनको महत्वाकांक्षी लक्ष्यको एक कदम नजिक छौं,” बाइडेनका पूर्वाधार संयोजक मिच ल्यान्ड्रीउले पत्रकारहरूलाई भने।

४० करोड १० लाख डलर ऋण र अनुदान अमेरिकी कृषि विभाग द्वारा फैलिएको कोष ‘रिकनेक्ट’ कार्यक्रमबाट आउने बताईएको छ। यसले अलास्का, एरिजोना, अर्कान्सास, क्यालिफोर्निया, कोलोराडो, इडाहो, मोन्टाना, न्यू मेक्सिको, नेभाडा, नर्थ डकोटा र टेक्सासमा उच्च-गतिको इन्टरनेट परियोजनाहरूलाई समर्थन गर्नेछ।