काठमाडौं ।
हुन्डाई मोटर कम्पनीले मङ्गलबार दक्षिण कोरियामा डेडिकेटेड इलेक्ट्रिक भेइकल (ईभी) कारखाना निर्माण गर्ने बताएको छ जुन लगभग तीन दशकमा देशमा खोलिने पहिलो अटोमोबाइल प्लान्ट हुनेछ।
२०२५ सम्ममा उत्पादन सुरु हुने कम्पनीको युनियनले एक विज्ञप्ति जारी गर्दै कम्पनीले पारिश्रमिक वार्तामा गरेको प्रतिवद्धता सार्वजनिक गरेको जनाएको छ।
हुन्डाई मोटरले आफ्नो बयानमा थप विवरण दिएको छैन।
हुन्डाई मोटर र किया कर्प रहेको हुन्डाई मोटर समूहले मे महिनामा दक्षिण कोरियामा २०२५ सम्म ६३ ट्रिलियन वोन (४८.१ अर्ब डलर) लगानी गर्ने बताएको थियो।
दक्षिण कोरियामा हुन्डाई मोटरका युनियन कामदारहरूले उच्च ज्यालाको मागलाई लिएर चार वर्षमा पहिलो पटक सम्भावित हडतालको लागि यस महिना मतदान गरे। व्यवस्थापनले देश बाहिर लगानीलाई प्राथमिकता दिएकोमा पनि उनीहरु आक्रोशित भएका छन्।
दक्षिण कोरियाको सबैभन्दा ठूलो अटोमेकर हुन्डाई मोटरले पछिल्लो पटक सन् १९९६ मा दक्षिण कोरियामा अटोमोबाइल कारखाना खोलेको थियो।
यसका साथै यसले मे महिनामा अमेरिकाको जर्जियामा पूर्ण ईभी र ब्याट्री निर्माण सुविधाहरू निर्माण गर्न ५.५ अर्ब डलर लगानी गर्ने बताएको थियो।रोयटर्स
प्रकाशित: २९ असार २०७९, बुधबार
