काठमाडौं ।
लोकप्रिय नन फन्जिबल टोकन (एनएफटी) संग्रह बोरड एप याट क्लब (बीएवाईसी) को डिस्कर्ड सर्भरहरू तोडेर लगभग २०० इथर एनएफटीहरू चोरी भएका छन्। बीएवाईसीको निर्माता युग ल्याब्सले ट्विटरमा यसको जानकारी दिएको छ। यद्यपि युगा ल्याब्स टोलीले चाँडै सो उल्लङ्घन समात्यो, तर लगभग २०० इथर पहिले नै हराइसकेको थियो।
यस विषयमा अनुसन्धान भइरहेको युग ल्याबले जनाएको छ। यससँगै प्रभावित प्रयोगकर्तालाई इमेलमार्फत जानकारी दिन आग्रह गरिएको छ।
अर्को ट्वीटमा, युग ल्याब्सले भनेको छ, “हामी तपाईंलाई सम्झाउन चाहन्छौं कि हामी अचानक मिन्ट वा उपहारहरू प्रस्ताव गर्दैनौं।” स्क्यामरहरूले बीएवाईसीको सामाजिक र सामुदायिक प्रबन्धक बोरिस भ्याग्नरको लगइन विवरणहरू समातेपछि घटना भएको थियो। स्क्यामरहरूले फिसिङ आक्रमणमा बीएवाईसी, एमएवाईसी र अदरसाइडका होल्डर्सहरूलाई उपहारहरू घोषणा गरेका थिए। स्क्याम गर्नेहरूले गरेको घोषणाको स्क्रिनसट पनि ट्विटरमा साझा गरिएको छ।
हालै बीएवाईसीको इन्स्टाग्राम खाता पनि ह्याक भएको थियो। यसमा करिब २५ लाख डलरको एनएफटी चोरी भएको छ । बीएवाईसी प्रवक्ताकाअनुसार ह्याकरले बोरड एप याट क्लब जस्तो देखिने वेबसाइटमा नक्कली लिङ्क पोस्ट गरेको थियो। प्रयोगकर्ताहरूलाई पछि नक्कली एयरड्रपमा भाग लिनको लागि स्क्यामरको वालेटमा आफ्नो मेटामास्क कनेक्ट गर्न भनियो।
ह्याक पत्ता लागेपछि, बीएवाईसीले आफ्नो समुदायलाई सचेत गरायो र इन्स्टाग्राम र यसको प्लेटफर्महरूबाट सबै लिङ्कहरू हटायो। यस बाहेक, बीएवाईसीले प्रयोगकर्ताहरूको तर्फबाट एनएफटी सिर्जना गर्न पनि निषेध गरेको छ।
यस अवस्थामा, नक्कली एयरड्रप लिङ्कमा क्लिक गर्ने प्रयोगकर्ताहरू लक्षित भएका थिए। चोरी भएको एनएफटीहरु ह्याकरहरूको वालेट ठेगानामा स्थानान्तरण गरिएको छ। बीएवाईसी एनएफटी परियोजना १० हजार एल्गोरिदमद्धारा सिर्जना गरिएका बाँदरहरूको कार्टुन चित्रण हो र तिनीहरू सबै फरक छन्।
यस संग्रहमा एनएफटीहरू सेलिब्रेटीहरू बीच धेरै लोकप्रिय छन्। फेब्रुअरीमा, जस्टिन बिबरले बीएवाईसीबाट ४ लाख ७० हजार डलरमा नयाँ एनएफटी किनेका थिए। यस बाहेक पेरिस हिल्टन, जिमी फालोन र ग्वेनेथ पाल्ट्रोसँग पनि बीएवाईसी एनएफटीहरू छन्।
प्रकाशित: २४ जेष्ठ २०७९, मंगलवार
