यूएफओ अर्थात् अज्ञात उडान वस्तुहरू वा उडनतश्तरीहरू बारे मानिसहरूको मनमा सधैं चिन्ताजनक जिज्ञासा रहेको छ। अमेरिका जस्ता देशहरूले लामो समयदेखि आकाशमा देखिएका यी अज्ञात र अपरिभाषित चीजहरूमा नजर राख्दै आएका छन्।
हाल पहिलो पटक अमेरिकी संसदीय समितिको अगाडि यूएफओ बारे सार्वजनिक सुनुवाइ सुरु भएको छ । यस क्रममा अमेरिकी नेभी इन्टेलिजेन्सका उपनिर्देशक स्कट ब्रेले संसदको सुरक्षा समितिलाई विगत २० वर्षमा आकाशमा देखिएका यूएफओको सङ्ख्यामा उल्लेख्य वृद्धि भएको बताए। उनले यसले देशको सुरक्षामा खतरा भएको बताए ।
सैन्य अड्डाहरू वरिपरि देखिएका यूएफओहरु
समाचार एजेन्सी एएफपीका अनुसार नेभट्ठ इन्टेलिजेन्सका उपनिर्देशकले सन् २००० देखि आकाशमा अवैध र अज्ञात वस्तुको घटनामा वृद्धि भएको बताए । अन्य ठाउँ बाहेक सेनाको तालिम केन्द्र वरपर पनि यस्ता कुरा देखिएका छन् ।
उनकाअनुसार अमेरिकी रक्षा मन्त्रालय, पेन्टागनले यी चीजहरू पृथ्वी बाहिरसँग सम्बन्धित छन् भन्ने कुरा पत्ता लगाउन सकेको छैन। तर नेभी इन्टेलिजेन्सका उपनिर्देशक आफैं पेन्टागनको यो विचारलाई पूर्ण रूपमा अस्वीकार गर्न नसकिने विश्वास गर्छन्। यी वस्तुहरू के हुन् र के होइनन् भन्नेबारे आफूहरुले कुनै अनुमान नगरेको उनले बताए।
४०० ठाउँमा यूएफओ देखिए
एबीसी न्यूजले रिपोर्ट गरेअनुसार सैन्य अधिकारीहरूले ४०० भन्दा बढी यस्ता अज्ञात वस्तुहरूसँग मुठभेड रिपोर्ट गरेका शीर्ष पेन्टागन अधिकारीहरूले संसदीय समिति समक्ष खुलासा गरेका छन्। गत वर्ष यूएफओको बारेमा जारी गरिएको अमेरिकी प्रतिवेदनमा १४४ यस्ता अपरिचित घटना भएको बताइएको थियो। अब पेन्टागन अधिकारीहरूले रिपोर्ट गरेको संख्या त्यो भन्दा धेरै हो। सेनाको लीक भएको भिडियोलाई उद्धृत गर्दै नौसेना अधिकारीले यसमा पिरामिड जस्तो वस्तु आकाशमा उडिरहेको देखिएको बताए। अहिलेसम्मको अनुसन्धानबाट यो ड्रोन हुन सक्ने देखिन्छ।
गत वर्ष एक सय ४४ घटना प्रतिवेदनमा
यूएफओहरुमा पहिलो रिपोर्ट अमेरिकी सरकारले गत वर्ष जुनमा जारी गरेको थियो। यसमा २००४ देखि २०२१ सम्म देखिएका १४४ ओटा वस्तुहरुको बारेमा बताइयो। अन्वेषकहरूले यी चीजहरू मध्ये एउटा मात्र पहिचान गर्न सक्षम भए, जुन डिफ्लेटेड बेलुन जस्तो देखिन्छ। बाँकी १४३ कुरा भने रहस्यमै रह्यो। केही चीजहरू ड्रोन वा ठूलो चरा जस्तै सोचेका थिए। त्यसपछि अमेरिकी गुप्तचरले यस संसार बाहिरको कुनै पनि कुरा आकाशमा रहेको प्रमाण नभएको बताएका थिए।
भिडियो देखाउँदै, यूएफओ कस्तो देखिन्छ भनेर बताए
अमेरिकी अधिकारीहरूले विमानबाट खिचिएको भिडियोमा संसदीय सुनुवाइका क्रममा यो देखाएका हुन्। यसमा विमानको नजिकबाट एउटा गोलाकार वस्तु निकै तीव्र गतिमा उडिरहेको देखिन्छ। अर्को भिडियोमा, एक अमेरिकी नौसेना कर्मचारीले आफ्नो नाइट भिजन चश्माको साथ त्रिकोणिय वस्तु देखे। अधिकारीहरूले आकाशमा देखिएका यी अज्ञात चीजहरू सेनाको एडभान्स उपकरण हुन सक्ने सम्भावना बढाए, जसको चीन वा रुस जस्ता देशहरूले परीक्षण गरिरहेका छन्।
यदि त्यसो हो भने यो अमेरिकाका लागि ठूलो खतरा हुनसक्ने बताईएको छ। यसका लागि योजना बनाउनुपर्ने र काम गर्नुपर्ने बताईएको छ। संसदमा ९० मिनेटको सार्वजनिक सुनुवाइपछि बन्द कक्षमा सुनुवाइ गर्ने निर्णय भएको हो।
