अटो टेक

चिप्स अभावका कारण ब्राजिलमा कार्यरत मर्सिडिज बेन्जका कामदारहरूलाई छुट्टी

चिप्स अभावका कारण ब्राजिलमा कार्यरत मर्सिडिज बेन्जका कामदारहरूलाई छुट्टी
Global IME Bank

मर्सिडीज बेन्ज समूहले सेमीकन्डक्टर चिप्सको अभावका कारण ब्राजिलका दुई प्लान्टमा पाँच हजारभन्दा बढी कामदारहरूलाई सामूहिक बिदामा राख्ने कम्पनीले सोमबार जनाएको छ।

उत्पादन रोकावट अप्रिल १८ देखि मे ३ सम्म हुनेछ र साओ बर्नार्डो डो क्याम्पो प्लान्टमा ५,००० कर्मचारीहरू र साओ पाउलो र मिनास गेराइसको ब्राजिलियन राज्यहरूमा अवस्थित जुइज डे फोरा कारखानामा ६०० कर्मचारीहरू समावेश भएको रोयटर्सले जानकारी दिएको छ।

मर्सिडिजले विश्वव्यापी सेमीकन्डक्टर/अर्धचालक आपूर्ति संकटका कारण ट्रक, ट्रक केबिन, बस चेसिस र अन्य अटो पार्ट्सको उत्पादन समायोजन गरिरहेको बताएको छ।

साओ बर्नार्डो डो क्याम्पो क्षेत्रका मेटलवर्कर्स युनियनकाअनुसार आपूर्ति श्रृंखला अभावका कारण कम्पनीले मार्चमा तलबसहित करिब १,२०० कामदारहरूलाई सामूहिक बिदामा राखेको थियो।

Sajilo Visa
easy care