काठमाडौं ।
ट्विटर इंकले शुक्रबार आफ्नो आधिकारिक खातामा एउटा सन्देश ट्वीट गर्यो र यसले सम्पादन बटनमा काम गरिरहेको बतायो। धेरैले अप्रिल फूल्स दिवसमा ट्वीटका लागि लामो समयदेखि खोजिएको सुविधाको बारेमा सो मेसेजमा प्रतिकृया दिए।
सो ट्वीट मजाक हो कि भनेर सोध्दा, ट्विटरले एक विज्ञप्तिमा भन्यो, “हामी पुष्टि वा अस्वीकार गर्न सक्दैनौं तर हामी हाम्रो बयानलाई पछि सम्पादन गर्न सक्छौं।”
अहिले कम्पनीले काम सुरु गरेको छ । रिपोर्टका अनुसार ट्विटर टोलीले सम्पादन सुविधामा काम गरिरहेको छ। चाँडै यो सुविधा प्रयोगकर्ताहरूका लागि लन्च गर्ने तयारी गरिएको छ।
सम्पादन सुविधाको अर्थ यो हो कि तपाईले यस प्लेटफर्ममा जुनसुकै ट्वीट गर्नुभयो भने पनि तपाई यसलाई सम्पादन गर्न सक्षम हुनुहुनेछ। मानौं तपाईंले एउटा ट्वीट गर्नुभयो, तर पछि त्यो ट्वीटमा केही परिमार्जन (सुधार वा अपडेट) गर्न चाहनुहुन्छ भने नयाँ सुविधाबाट यो सम्भव हुनेछ।
अहिले ट्वीट मेटाउने विकल्प मात्र उपलब्ध छ। धेरै पटक समयको साथ धेरै कुरा वा जानकारी अपडेट हुन्छ, तर ट्विटरमा तपाईले केहि सम्पादन वा अपडेट गर्ने मौका पाउनुहुन्न्। तर यो नयाँ सम्पादन सुविधाको सुरुवातसँगै अब जो कोहीले आफ्नो आवश्यकता अनुसार पुरानो ट्वीट सम्पादन गर्न सक्नेछन् । आफ्नो गल्ती सच्याउन सक्षम हुनेछन्।
प्रकाशित: १९ चैत्र २०७८, शनिबार
