काठमाडौं ।
बेलायत सरकारले राष्ट्रिय सूचना रक्षा केन्द्र स्थापना गर्ने योजना घोषणा गरेको छ, जुन एक नयाँ राष्ट्रिय सुरक्षा निकाय हो र शत्रुतापूर्ण विदेशी राज्यहरूबाट हुने गलत सूचना, डीपफेक र एआई-सक्षम सूचना युद्धसँग लड्न समर्पित हुनेछ।
यो पहल प्रधानमन्त्री एन्डी बर्नहमले न्यूयोर्कमा संयुक्त राष्ट्र संघको महासभालाई सम्बोधन गर्ने क्रममा अनावरण गरेका थिए।
यसैबीच, बेलायती संसदको विज्ञान तथा प्रविधि समितिकी सभापति सांसद ची ओनवुराले प्रधानमन्त्री एन्डी बर्नहमको ‘सूचना रक्षासम्बन्धी नयाँ राष्ट्रिय केन्द्र’ स्थापना गर्ने योजनाको स्वागत गरेकी छिन्।
उक्त केन्द्रले बेलायतका लोकतान्त्रिक संस्थाहरू र जनविश्वासको रक्षा गर्न तीन-पक्षीय कार्यादेशअन्तर्गत काम गर्नेछ।
यसमा, विभिन्न भाष्य वा धारणाहरूले जरा गाड्नुअघि नै गोप्य डिजिटल प्रभाव अभियानहरूको पहिचान गर्ने र विरोधी पक्षको पूर्वाधारको नक्सांकन गर्नेछ। आक्रमणहरू पछाडि रहेका शत्रुतापूर्ण विदेशी पक्ष वा राज्यका गुप्तचर निकायहरूको पर्दाफास गर्ने र तिनलाई सार्वजनिक गर्नेछ भने सूचनासम्बन्धी अभियानहरूको सक्रिय रूपमा प्रतिवाद गर्ने र शत्रुतापूर्ण डिजिटल पूर्वाधारलाई तिनको स्रोतबाटै निस्तेज पार्नेछ।
प्रकाशित: १८ आश्विन २०८३, आईतवार
