काठमाडौं ।
अरेञ्ज बिजनेसलाई ईयूका सार्वजनिक प्रशासनका लागि तयार पारिएको निजी सञ्चार मेरुदण्ड कम्युनिकेशन ब्याकबोन टेस्टा-एईरिसको नेटवर्क साझेदारका रूपमा छनोट गरिएको छ।
टेस्टा-एईरिस मेरुदण्ड सेवाले ईयूका संस्था, निकाय, एजेन्सी तथा सदस्य राष्ट्रहरूलाई जोड्नेछ। यसले थप मजबुत, सार्वभौम र पान–युरोपेली नेटवर्क निर्माण गर्दै ईयूको सञ्चार पूर्वाधारलाई आधुनिक बनाउन महत्वपूर्ण कदमका रूपमा काम गर्ने बताइएको छ।
टेलिकम्स डटकमका अनुसार अरेञ्ज बिजनेसले नेटवर्क सञ्चालक, इन्टिग्रेटर र प्लेटफर्म प्रदायकका रूपमा काम गर्दै लेयर २ र लेयर ३ मेरुदण्ड उपलब्ध गराउनेछ। यसका लागि प्रणालीको डिजाइन, निर्माण र व्यवस्थापन गर्ने यूरोपेली आयोगको डिजिटल सेवासम्बन्धी महानिर्देशनालय (डीजी डिजिट) सँग सहकार्य गरिनेछ।
यस समाधानमा मेरुदण्ड पूर्वाधार, क्लाउड कनेक्टिभिटी र विभिन्न स्थानलाई जोड्ने भर्चुअल प्राइभेट नेटवर्क (भीपीएन) प्रविधि समावेश हुनेछन्। अरेञ्जको इभोलुसन प्लेटफर्मले समर्पित हार्डवेयरको स्थानमा सफ्टवेयरमा आधारित भर्चुअल सेवाहरू उपलब्ध गराउनेछ।
यो नेटवर्कले यूरोपेली डिजिटल पहलहरूलाई सहयोग गर्नुका साथै प्रशासनिक निकायबीचको अन्तरक्रिया सुधार गर्ने र अन्ततः ईयूभरि नीतिहरू कार्यान्वयन गर्न सहज बनाउने अपेक्षा गरिएको छ।
यसलाई अरेञ्ज बिजनेसका नेटवर्क अपरेटिङ सेन्टर र सेक्युरिटी अपरेटिङ सेन्टरले सहयोग गर्नेछन्। पाँचवटा यूरोपेली क्षेत्रका कम्तीमा १२ वटा प्वाइन्ट अफ प्रेजेन्स (पीओपी) जोडिनेछन्। यसले ९९.९९९ प्रतिशत उच्च उपलब्धता र विभिन्न स्थान तथा मल्टिक्लाउड वातावरणमा भरपर्दो कनेक्टिभिटी उपलब्ध गराउने बताइएको छ।
अरेञ्ज बिजनेसका यूरोप अध्यक्ष रिचर्ड भान वागेनिन्जेनले भने, “डिजिटल प्रविधिमा निर्भरता बढ्दै जाँदा र साइबर जोखिमहरू निरन्तर परिवर्तन भइरहँदा ईयूले डिजिटल विश्वासलाई आफ्नो रणनीतिक प्राथमिकताको केन्द्रमा राखेको छ।
टेस्टा-एईरिस मेरुदण्ड परियोजनाको मुख्य उद्देश्य सुरक्षित र विश्वसनीय यूरोपेली डिजिटल प्रणाली निर्माण गर्नु हो। ईयूका महत्वपूर्ण आवश्यकतालाई सहयोग गर्ने बलियो, अनुकूलनयोग्य र भविष्यका आवश्यकताअनुसार तयार पूर्वाधार उपलब्ध गराउन छनोट हुन पाउँदा अरेञ्ज बिजनेस गर्व गर्छ।”
गत महिना अरेञ्जले अब्भियसको डोम प्रविधि खरिद गरेको थियो। उक्त प्रविधिलाई रक्षा र महत्वपूर्ण पूर्वाधारका लागि निजी फाइभजी कोरका रूपमा वर्णन गरिएको थियो।
उक्त सम्पत्तिले अरेञ्ज बिजनेसको रक्षा तथा सुरक्षा डिभिजन र अरेन्ज ड्रोन ३६० लाई बलियो बनाउनुका साथै महत्वपूर्ण पूर्वाधार सञ्चालन गर्ने संस्थाहरूलाई दिइने सेवामा सुधार गर्ने उद्देश्य रहेको त्यसबेला बताइएको थियो।
प्रकाशित: १५ आश्विन २०८३, बिहीबार
