काठमाडौं ।
नेपालका लागि टीभीएसको आधिकारिक वितरक जगदम्बा मोटर्सले १५० सीसी हाइपर स्पोर्ट स्कुटर सेग्मेन्टमा पहिलो स्कुटर नयाँ एनटर्क १५० सार्वजनिक गरेको छ।
टीभीएस एनटर्क सिरिजअन्तर्गतको नयाँ मोडलमा १४९.७ सीसीको एयरकुल्ड, ओ३सीटेक इन्जिन दिइएको छ। उक्त इन्जिनले ७ हजार आरपीएममा १३.२ पीएस पावर तथा ५ हजार ५ सय आरपीएममा १४.२ एनएम टर्क उत्पादन गर्ने कम्पनीले जनाएको छ।
कम्पनीका अनुसार एनटर्क १५० ले ० देखि ६० किलोमिटर प्रतिघण्टाको गति ६.३ सेकेन्डमै लिन सक्छ। यसको अधिकतम गति १०४ किलोमिटर प्रतिघण्टा रहेको छ।
एनटर्क १५० को डिजाइन स्टेल्थ एयरक्राफ्टबाट प्रेरित रहेको कम्पनीले जनाएको छ। स्कुटरमा मल्टिपोइन्ट प्रोजेक्टर हेडलाइट, एरोडाइनामिक विङ्गलेट, स्पोर्टी टेलल्याम्प, नेकेड मोटरसाइकल शैलीको ह्यान्डलबार तथा सिग्नेचर मफलर र रंगीन अलोय ह्विल दिइएको छ।
स्कुटरको अगाडिको भागलाई एग्रेसिभ र एरोडाइनामिक डिजाइनमा तयार गरिएको छ। जेट विमानबाट प्रेरित एयर भेन्ट तथा इन्टिग्रेटेड विङ्गलेटले यसको स्पोर्टी लुकलाई थप आकर्षक बनाउने कम्पनीले जनाएको छ।
एनटर्क १५० मा टीभीएस स्मार्टएक्सोनेक्ट प्रविधिमार्फत ५० भन्दा बढी कनेक्टेड फिचर उपलब्ध छन्। यसमा टर्न–बाइ–टर्न नेभिगेसन, लास्ट पार्क्ड लोकेसन तथा कल र म्यासेज तथा राइड मोडलगायतका फिचर समावेश छन्। कम्पनीले नयाँ स्कुटरमा दैनिक प्रयोगका लागि आवश्यक स्मार्ट तथा कनेक्टेड फिचरलाई प्राथमिकता दिएको जनाएको छ।
सुरक्षातर्फ एनटर्क १५० मा सिंगल च्यानल एबीएस तथा फर्स्ट इन सेगमेन्ट ट्र्याक्सन कन्ट्रोल सिस्टम दिइएको छ। यसमा हाजार्ड ल्याम्प, फलो–मी हेडलाइट, टेलिस्कोपिक फ्रन्ट सस्पेन्सन तथा एड्जस्टेबल ब्रेक लिभर उपलब्ध छन्। त्यस्तै, पेटेन्ट गरिएको ई–जेड सेन्टर स्ट्यान्ड र २२ लिटरको अन्डर–सिट स्टोरेज पनि दिइएको छ।
जगदम्बा मोटर्स प्राइभेट लिमिटेडका म्यानेजिङ डाइरेक्टर साहिल अग्रवालले भने, ‘सन् २०१८ मा नेपालमा टीभीएस एनटीओआरक्यू सार्वजनिक भएदेखि यो न्यू–एज कनेक्टेड स्कुटर बाट अघि बढ्दै आज देशकै परिचित स्कुटर ब्राण्ड मध्येको एक बन्न सफल भएको छ। यो यात्रामा हाम्रा ग्राहकहरूको निरन्तर विश्वास र साथसँगै जगदम्बा मोटर्सको देशव्यापी सेल्स सर्भिस तथा स्पेयर्स पार्टस नेटवर्कको महत्वपूर्ण भूमिका रहेको छ।’
स्कुटर स्टेल्थ सिल्भर, रेसिङ रेड र टर्बो ब्लु गरी तीन कलरमा उपलब्ध हुनेछ। यसको सुरुवाती मूल्य ३ लाख ६९ हजार ९०० रुपैयाँ तोकिएको छ।
प्रकाशित: ११ आश्विन २०८३, आईतवार
