काठमाडौं ।
नेपालमा एटीएम मेशिनको आयात प्रत्येक महिना बढ्ने गरेको पाइएको छ।
भन्सार विभागले हालै सार्वजनिक गरेको आर्थिक वर्ष २०८२/८३ को २०८३ सार मसान्तसम्मको वैदेशिक व्यापारको तथ्याङ्क अनुसार नेपालमा २ हजार १ सय १८ थान एटीएम मेशिन आयात भएको छ।
उक्त अवधिसम्म आयात भएको २ हजार १ सय १८ थान एटीएम मेशिनका लागि देशबाट ५ करोड ५५ लाख ४५ हजार रुपैयाँ बाहिरिएको छ।
सरकारले उक्त परिमाणको एटीएम मेशिन आयातबाट यो अवधिमा १ करोड ६६ लाख ३९ हजार रुपैयाँ राजश्व संकलन गरेको छ। भन्सार विभागको तथ्याङ्क अनुसार यो अवधिमा पनि पहिलेका महिनामा झैं छिमेकी चीन र भारतसहित कतार, यूएई र संयुक्त राज्य अमेरिकाबाट एटीएम मेशिन आयात भएको छ।
यो अवधिमा सबैभन्दा बढी चीनबाट २९ लाख ९ हजार बराबरको १ हजार २१९ थान तथा भारतबाट ५ करोड १७ लाख २५ हजार बराबरको ८९२ थान एटीएम मेशिन आयात भएको छ।
यस्तै कतारबाट १ हजार बराबरको ५ थान, यूएईबाट मूल्य उल्लेख नभएको १ थान र संयुक्त राज्य अमेरिकाबाट ९ लाख ११ हजार बराबरको एक थान एटीएम मेशिन नेपाल भित्रिएको तथ्याङ्कले देखाएको छ।
विवरण
| क्र.सं. | देश | विवरण | रकम (हजारमा) |
| १ | भारत | ८९२ | ५१७२५ |
| २ | चीन | १२१९ | २९०९ |
| ३ | कतार | ५ | १ |
| ४ | यूएई | १ | ० |
| ५ | अमेरिका | १ | ९११ |
प्रकाशित: १४ श्रावण २०८३, बिहीबार
