काठमाडौं ।
इलन मस्कले ग्यास टर्बाइन कम्पनी खरिद गरेका छन् र यो स्पेसएक्सएआईको डाटा सेन्टरहरूको लागि प्रत्यक्ष उर्जा स्रोत बन्ने सम्भावना रहेको छ।
इलन मस्कले यो वर्षको सुरुमा एपीआर इनर्जी अधिग्रहण गर्दै आफ्नो पोर्टफोलियोमा नयाँ व्यवसायको रुपमा जीवाश्म इन्धन थपे गरेका थिए। एपीआरले ट्रेलरहरूमा माउन्ट गर्न सकिने मोबाइल ग्यास र डिजेल टर्बाइनहरू उत्पादन गर्दछ।
गत मे महिनामा मस्क वा एपीआरले कुनै सार्वजनिक घोषणाहरू बिना चुपचाप यो कदम चालिएको थियो। इलेक्ट्रेकले खरिद मूल्य लगभग १ बिलियन अमेरिकी डलर अनुमान गरेको छ।
यो खरिदको सबैभन्दा सम्भावित कार्य भनेको एआई डाटा केन्द्रहरूलाई पावर प्रदान गर्ने उल्लेख गरिएको छ। एनएसएफडब्ल्यू सामग्री उत्पादन गर्ना धेरै ऊर्जा चाहिने बताइएको छ।
एपीआरको मोबाइल फ्लीट टर्बाइनहरू जस्तै भएको र मस्कको एक्सएआईलाई मिसिसिपीको साउथभेनको डाटा सेन्टरमा प्रयोग गरेकोमा क्लिन एयर ऐन उल्लङ्घनको आरोपमा मुद्दा हालिएको थियो।
त्यो मुद्दा दायर भएदेखि, डाटा सेन्टरमा मोबाइल टर्बाइनहरूको संख्या उल्लेखनीय रूपमा बढेको छ। साथै अमेरिकी सेनाले आफ्नो सञ्चालनको लागि एक्सएआईको ग्रोक प्रयोग गरिरहन सकोस् भनेर न्याय विभागले मुद्दा खारेज गर्ने प्रयास गरिरहेको छ।
एक दशक अघि मस्कले जीवाश्म इन्धनको निरन्तर प्रयोगलाई “इतिहासको सबैभन्दा मूर्ख प्रयोग” को रुपमा वर्णन गरेको भए तापनि उनको हालको यो कदम उक्त भनाइको विपरित भएको उल्लेख गरिएको छ।
टेक्सासमा प्राकृतिक ग्यास पाइपलाइन निर्माण गरेर उनको व्यवसायले त्यो प्रयोगलाई अझ जटिल बनाउन सक्ने इनग्याजेटले रिपोर्ट गरेको छ।
प्रकाशित: १ श्रावण २०८३, शुक्रबार
×
