Samsung

सामसङ ग्यालेक्सी जेड फोल्ड८, फोल्ड८ अल्ट्रा र फ्लिप८ को रङ्ग र स्टोरेज विकल्पहरू लीक

सामसङ ग्यालेक्सी जेड फोल्ड८, फोल्ड८ अल्ट्रा र फ्लिप८ को रङ्ग र स्टोरेज विकल्पहरू लीक
सामसङ ग्यालेक्सी जेड फोल्ड८ (चौडा) र ग्यालेक्सी जेड फोल्ड८ अल्ट्राको डमी युनिटहरू। फोटो सौजन्यः जीएसएमएरिना
Global IME Bank

सामसङले आगामी महिना लन्डनमा आफ्नो अर्को अनप्याक्ड कार्यक्रम आयोजना गर्ने हल्ला चलिरहेको छ। कम्पनीले उक्त कार्यक्रममा ग्यालेक्सी जेड फोल्ड८, ग्यालेक्सी जेड फोल्ड८ अल्ट्रा र ग्यालेक्सी जेड फ्लिप८ सँगसँगै ग्यालेक्सी वाच२ र ग्यालेक्सी वाच९ अनावरण गर्ने अपेक्षा गरिएको छ।

मंगलबार एउटा नयाँ लीकले आगामी फोनहरुको रङ्ग र स्टोरेज विकल्पहरूको बारेमा विवरणहरूको खुलासा गरेको छ। ग्यालेक्सी फोल्ड८ (वाइड) क्रिम, ग्रेफाइट, ल्याभेन्डर र पिस्ताचियो रङ्गहरुमा आउनेछ। साथै डिभाइस २५६जीबी, ५१२जीबी र १टीबी स्टोरेज विकल्पहरूमा उपलब्ध हुने जीएसएमएरिनाले रिपोर्ट गरेको छ।

ग्यालेक्सी फोल्ड८ अल्ट्रा क्रिम, ग्रेफाइट, ग्रीन श्याडो र भायोलेट श्याडो रङ्गहरुमा आउनेछ। ग्यालेक्सी फोल्ड८ अल्ट्रा २५६जीबी, ५१२जीबी, र १टीबी स्टोरेज विकल्पहरूमा उपलब्ध हुनेछ। अल्ट्रा गत वर्षको ग्यालेक्सी जेड फोल्ड७ को उत्तराधिकारी भएको बताइएको छ।

ग्यालेक्सी जेड फ्लिप८ क्रिम, ग्रेफाइट, मिन्ट र गुलाबी रङ्गमा २५६जीबी र ५१२जीबी स्टोरेज विकल्पहरूमा आउनेछ। विगतका लीक अनुसार फ्लिप८ ले केही बजारहरूमा एक्सिनोस २६०० चिपसेट प्रयोग गर्नेछ। डिभाइसमा क्रिज–फ्री डिस्प्ले र नयाँ हिञ्ज पनि हुने बताइएको छ। दुबै फोल्ड८ मोडेलहरू स्न्यापड्रागन ८ एलिट जेन ५ एसओसीद्वारा सञ्चालित हुने अपेक्षा गरिएको छ।

Sajilo Visa
easy care