काठमाडौं ।
फक्स कर्पोरेशनले रोकुलाई खरिद गर्न कम्पनीसँग एक निश्चित सम्झौतामा प्रवेश गरेको घोषणा गरेको छ। फक्स कर्पोरेशनले प्रति शेयर १६० अमेरिकी डलरमा रोकुलाई खरिद गर्ने र त्यसमध्ये ९६ अमेरिकी डलर नगद हुनेछ र बाँकी फक्स शेयर हुनेछ।
यो लेनदेनले रोकुको मूल्य २२ अर्ब अमेरिकी डलर राखेको छ भने फक्सले वास्तवमा कति तिरिरहेको छ भन्ने कुरा स्पष्ट छैन। फक्सले यो सम्झौताको लागि मोर्गन स्टेनलीबाट १२ अर्ब डलर ऋण लिएको बताएकोले त्यो रकमको नजिक हुन सक्ने अनुमान छ।
सबै आवश्यक नियामक स्वीकृतिहरू सुरक्षित गरेपछि लेनदेन अर्को वर्षको पूर्वार्धमा बन्द हुने अपेक्षा गरिएको छ। यो अधिग्रहणले प्रत्यक्ष समाचार र खेलकुदमा अग्रणी फक्सलाई अग्रणी कनेक्टेड टिभी प्लेटफर्मसँग जोड्नेछ (रोकुले १० करोडभन्दा बढी विश्वव्यापी स्ट्रिमिङ घरपरिवारहरू पुगेको र त्यसमा सबै अमेरिकी ब्रोडब्यान्ड घरपरिवारहरूको आधा भन्दा बढी समावेश छ)।
“एकसाथ, फक्स र रोकुले प्रिमियम लाइभ कन्टेन्ट, ब्रोड डिस्ट्रिब्युसन र लिनियरका साथै स्ट्रिमिङमा उल्लेखनीय दर्शकहरूको पहुँचलाई समेट्ने” आधिकारिक प्रेस विज्ञप्तिमा उल्लेख गरिएको छ।
त्यसैगरी यो कदमले फक्सलाई पूर्ण भिडियो इकोसिस्टममा राख्नेछ र यसलाई कनेक्टेड टिभी खण्डमा प्रवेश दिनेछ भने फक्सको प्रिमियम कन्टेन्ट र विज्ञापन क्षमताहरूलाई रोकुको यूआई, प्लेटफर्म प्रविधि र “प्रत्यक्ष दर्शक सम्बन्ध” सँग ल्याएर “सामग्री खोज बढाउन, संलग्नतालाई गहिरो बनाउनु का साथै उपभोक्ताहरू र सामग्री साझेदारहरूको लागि थप आकर्षक स्ट्रिमिङ अनुभव सिर्जना गर्न” थप शक्तिशाली स्ट्रिमिङ प्लेटफर्म सिर्जना गर्दछ भनि विज्ञप्तिमा थप उल्लेख गरिएको छ।
फक्सले रोकुलाई “खुला, साझेदार–मैत्री प्लेटफर्मको रूपमा” सञ्चालन गर्न जारी राख्नेछ। साथै अब संयुक्त कम्पनी भिविङ हिस्साको आधारमा अमेरिकी टिभीमा तेस्रो सबैभन्दा ठूलो खेलाडी बन्ने जीएसएमएरिनाले रिपोर्ट गरेको छ।
प्रकाशित: ३ असार २०८३, बुधबार
