काठमाडौं ।
सरकारले राष्ट्रिय परिचयपत्रको लागि २०८२ फागुनसम्म २ करोड १३ हजार ५ सय ५३ नागरिकको वैयक्तिक र जैविक विवरण सङ्कलन गरेको छ।
तर संकलन गरेको अनुपातमा राष्ट्रिय परिचयपत्रको छपाई र वितरण भएको देखिँदैन्।
सार्वजनिक भएको आर्थिक सर्वेक्षण २०८२/८३ का अनुसार राष्ट्रिय परिचय पत्रलाई राहदानी विभाग, आन्तरिक राजस्व विभाग, निर्वाचन आयोग, सामाजिक सुरक्षा, कर्जा सूचना केन्द्र लगायत १२ निकायको प्रणालीसँग अन्तरआबद्ध गरिएको छ।
हालसम्म ७५ लाख ८१ हजार १ सय ८३ कार्ड छपाई भई ४० लाख ३३ हजार ४० राष्ट्रिय परिचय पत्र वितरण भएको उल्लेख छ।
प्रकाशित: १३ जेष्ठ २०८३, बुधबार
