काठमाडौं ।
गुगल वालेटबाट डिजिटल कार किजहरू सेयर गर्ने सुविधा अब अझ राम्रो भएको छ। गुगलको पछिल्लो प्रणाली सेवा अपडेटले प्रयोगकर्तालाई केही थप विकल्पहरू प्रदान गर्ने भएको छ।
नयाँ अपडेटले प्रयोगकर्ताको डिजिटल कार किजहरू सेयर गर्ने नयाँ तरिकाहरू ल्याएको छ। अब प्रयोगकर्ताले आफ्नो किजहरू सेयर गर्ने व्यक्तिहरूलाई “को–ओनर” , “गेस्ट” र “सर्भिस” जस्ता फरक भूमिका तोक्न सक्नेछ। यो सुविधाले प्रयोगकर्तालाई केही प्रतिबन्धहरू लागू गर्न अनुमति दिने एरिनाइभीले रिपोर्ट गरेको छ।
प्रयोगकर्ताले आफ्नो गुगल वालेट एपमा सेयर कार किमा ट्याप गरेपछि प्रयोगकर्ताले केही व्यक्तिहरू वा भूमिकाहरूको लागि स्पिड (गति), एक्सेलेरेशन (प्रवेग) र अधिकतम संगीत भोल्युम पनि सीमित गर्न सक्नेछ।
अपडेटले प्रयोगकर्ताको स्मार्टवाच जस्ता विभिन्न डिभाइसहरूमा आफ्नो कार किजहरू सेयर गर्ने कार्य सरल बनाएको उल्लेख गरिएको छ।
प्रकाशित: १३ जेष्ठ २०८३, बुधबार
