काठमाडौं ।
नोकिया, एनभिडिया र अरेञ्ज ले एआई–आरएएन (एआई-सञ्चालित रेडियो एक्सेस नेटवर्क) मा सहकार्य गर्ने भएका छन्।
नोकिया र अरेञ्जले नोकिया को एनीआरएएन फाइभजी सफ्टवेयर र एनभिडियाको एआई पूर्वाधार प्रयोग गरेर एआई आरएएन प्रविधि विकास र परीक्षण गर्नेछन्।
यस योजनाको उद्देश्य एआई आरएएन ले नेटवर्कको कार्यसम्पादन सुधार गर्ने, ऊर्जा दक्षता बढाउने र अरेञ्ज का ग्राहकका लागि नयाँ सेवा विकास गर्ने सम्भावना अध्ययन गर्नु हो।
यसका लागि नोकिया र अरेञ्जले जीपीयू आधारित रेडियो प्रोसेसरले कसरी अझ उन्नत रिसिभरमार्फत रेडियो प्रदर्शन सुधार गर्न सक्छ भन्ने विषयमा अध्ययन गर्नेछन्।
साथै, एआई लाई आरएएन मा कसरी जोडेर कार्यसम्पादन सुधार गर्ने, सेन्सिङ जस्ता नयाँ क्षमता थप्ने, र क्लाउड तथा विशेष रूपमा बनाइएका आरएएन वातावरणमा स्वचालन र बुद्धिमत्ता बढाउने भन्ने विषयमा पनि काम गरिनेछ।
टेलिकम्स डटकमका अनुसार उनीहरूले हाल र भविष्यका फ्रिक्वेन्सी ब्यान्ड, विशेषगरी माथिल्लो सिक्स गिगाहर्ज ब्यान्डको स्पेक्ट्रल दक्षता बढाउने विषयमा पनि काम गर्नेछन्। कम्पनीका अनुसार सिक्सजीका लागि तयार यो प्लेटफर्मले सफ्टवेयरमार्फत सजिलै सिक्सजीमा रूपान्तरण गर्न सहयोग गर्नेछ र अरेञ्ज को नेटवर्कमा कम्प्युटिङ स्रोतहरूको अझ राम्रो प्रयोग सम्भव बनाउनेछ।
अरेञ्जका ग्रुप सीटीओ लरेन्ट लेबुशेरले भने, “अरेञ्जले अझ प्रभावकारी, लचिलो र दिगो नेटवर्क निर्माणमा जोड दिएको छ। नोकिया र एनभिडिया सँग एआई आरएएन मा सहकार्य गर्दा एआई आधारित संरचनाले शेड्युलिङ, बीमफर्मिङ र पावर अप्टिमाइजेशन जस्ता रेडियो एल्गोरिदमहरूलाई कसरी सुधार गर्छ भन्ने बुझ्न मद्दत मिल्छ। यसले स्पेक्ट्रल दक्षता र ऊर्जा प्रदर्शन दुवै सुधार गर्छ र भविष्यवाणीमा आधारित अनुकूलन तथा रेडियो सेन्सिङ जस्ता नयाँ क्षमता पनि सम्भव बनाउँछ। यो सहकार्य हाम्रो दीर्घकालीन नेटवर्क रणनीतिका लागि महत्वपूर्ण कदम हो।”
नोकियाकी प्रमुख प्रविधि तथा एआई अधिकृत पल्लवी महाजनले भनिन्, “एआई ले नेटवर्क डिजाइन गर्ने तरिका परिवर्तन गरिरहेको छ र रेडियो तहमा नयाँ स्तरको बुद्धिमत्ता र लचिलोपन ल्याइरहेको छ। अरेञ्जसँगको सहकार्यमार्फत हामी नोकिया र एनभिडिया को एआई आरएएन समाधानले कसरी एआई र आरएएन कार्यहरूलाई एउटै संरचनामा जोड्छ भन्ने अध्ययन गरिरहेका छौं। यसले उद्योगलाई एआई-आधारित नेटवर्कतर्फ लैजान सहयोग गर्नेछ।”
प्रतिस्पर्धी कम्पनी एरिक्सनले पनि गत महिना एसके टेलिकमसँग यस्तै सहकार्य गरेको थियो। दुवैले एआई आरएएन मार्फत फाइभजी नेटवर्कको कार्यसम्पादन, सुरक्षा र ऊर्जा दक्षता कसरी सुधार गर्न सकिन्छ भन्ने विषयमा समझदारीपत्रमा हस्ताक्षर गरेका थिए।
यसैबीच नोकियालाई अमेरिकाको उत्तरी नेभाडामा कम सेवा पुगेका घरपरिवारका लागि नयाँ फाइबर नेटवर्क निर्माण गर्न स्काइफाइबरले चयन गरेको छ।
स्काइफाइबरले नोकियाका अप्टिकल ट्रान्सपोर्ट, आईपी/एज राउटिङ र फिक्स्ड एक्सेस समाधान प्रयोग गरेर उच्च गतिको इन्टरनेट नपुगेका क्षेत्रमा सेवा विस्तार गर्नेछ। नेटवर्क एकीकरणको काम भारडाटाले गर्नेछ।
यस परियोजनामा नोकिया का ७७५० एसआर ब्रोडब्याण्ड नेटवर्क गेटवे, ७२५० आईएक्सआर सिरिज राउटर, लाइटस्पान एमएफ-२ ओएलटी, विभिन्न ओएनटी उपकरण, बिकन वाई-फाई डिभाइस (बीकन २, ६ र १०) र १८३० पीएसएस डीडब्लूडीएम प्लेटफर्म प्रयोग गरिनेछ।
नोकियाका उत्तर अमेरिका क्षेत्रीय प्रदायक तथा उद्यम प्रमुख म्याट यंगले भने, “उच्च गुणस्तरको ब्रोडब्यान्डले मानिसलाई अवसरसँग जोड्ने महत्वपूर्ण माध्यम हो। भारडाटासँग मिलेर हामी स्काइफाइबरका लागि पूर्ण नेटवर्क समाधान प्रदान गरिरहेका छौं। यसले उत्तरी नेभाडाका कम सेवा पुगेका समुदायमा आधुनिक कनेक्टिभिटी पुर्याउनेछ र सामाजिक तथा आर्थिक अवसरमा पहुँच बढाउनेछ।”
स्काइफाइबरले एकै कम्पनीबाट उपकरण लिने निर्णयले बहु–बिक्रेता समाधानको जटिलता र प्रदर्शनमा हुने फरक घटाउने र सम्पूर्ण नेटवर्कको जिम्मेवारी स्पष्ट बनाउने जनाएको छ।
प्रकाशित: ३ बैशाख २०८३, बिहीबार
