काठमाडौं ।
एप्पलले आफ्नो पछिल्लो पुस्ताको एम५ प्रोसेसरहरू सहित ब्रान्ड न्यू एम५ प्रो र एम५ म्याक्स चिप्स समावेश गरिएको म्याकबुक एयर र म्याकबुक प्रोको अपडेट गरिएको मोडेलहरूको घोषणा गरेको छ।
२०२६ को म्याकबुक एयरले अब पहिलो पटक गत वर्ष १४–इन्च म्याकबुक प्रो र आईप्याड प्रोमा प्रस्तुत गरिएको एप्पल एम५ चिप प्राप्त गरेको छ। यो चिपमा अघिल्लो एम४ जस्तै १०–कोर सीपीयू र ८ वा १०–कोर जीपीयू कन्फिगरेसन रहेको छ भने सबै कोरहरू अब छिटो हुनुका साथै जीपीयूले प्रत्येक कोरमा न्यूरल एक्सेलेरेटर पनि समावेश गरेको छ। बेस स्टोरेज २५६जीबीबाट ५१२जीबीमा दोब्बर गरिएको छ र अब ४टीबी सम्मको अधिकतम स्टोरेज विकल्प उपलब्ध हुनेछ। त्यसैगरी बेस मेमोरी भने अझै पनि उही १६जीबीको रहेका छ कन्फिगरेटरमा ३२जीबीको साथ अझै पनि माथि भएको उल्लेख गरिएको छ।
म्याकबुक एयरको अन्य परिवर्तनहरूमा वाई–फाई ७ र ब्लुटुथ ६ को रूपमा अपग्रेड गरिएको कनेक्टिभिटी, साथै ‘४०वाटको डायनामिक पावर एडाप्टर अब ६०वाट म्याक्समा’ वृद्धी गरिएको छ। उक्त चार्जरले अघिल्ला ३०वाट र ३५वाट मोडेलहरूलाई प्रतिस्थापन गर्दछ।
त्यसैगरी म्याकबुक एयरको अर्को परिवर्तन भनेको मूल्यमा १०० अमेरिकी डलर को वृद्धि हो। १३–इन्च म्याकबुक एयरको मूल्य अब १०९९ अमेरिकी डलर बाट सुरु हुन्छ भने १५–इन्चको मूल्य १२९९ अमेरिकी डलरबाट सुरु हुने जीएसएमएरिनाले रिपोर्ट गरेको छ।
प्रकाशित: २२ फाल्गुन २०८२, शुक्रबार
