काठमाडौं ।
एप्पलका मोबाइल डिभाइसहरूको प्रयोग नेटोका लागि पर्याप्त सुरक्षित भएको रिपोर्ट गरिएको छ।
जर्मन सरकारद्वारा व्यापक परीक्षण पछि आईफोन र आईप्याड अब नेटोद्वारा प्रतिबन्धित वर्गीकृत स्तरको लागि पर्याप्त सुरक्षित मानिएका छन् भनि विदेशी मिडियाले रिपोर्ट गरिरहेको टेलिग्राफले उल्लेख गरेको छ।
सूचना सुरक्षाको लागि जर्मन संघीय कार्यालय बीएसआईले डिभाइसहरूको परीक्षण गरेको थप उल्लेख गरिएको छ।
बीएसआईले पहिलो पटक २०२२ मा जर्मन अधिकारीहरूद्वारा सरकारी प्रयोगको लागि आईफोन र आईप्याडहरूलाई अनुमोदन गरेको थियो।
साथै नेटो अनुमोदनको अतिरिक्त कदम चाल्न बीएसआईले पूर्ण प्राविधिक मूल्याङ्कन, व्यापक परीक्षण र गहन सुरक्षा विश्लेषण गरेको एप्पलले बताएको छ।
आईफोन र आईप्याड यी प्रमाणीकरण प्राप्त गर्ने पहिलो उपभोक्ता डिभाइसहरू हुन् र तिनीहरूले कुनै विशेष सफ्टवेयर वा सेटिङहरू बिना नै स्वीकृती प्राप्त गरेको एप्पलको प्रेस विज्ञप्तिले जोड दिएको थप उल्लेख गरिएको छ। यो आईओएस २६ मा चल्ने आईफोन र आईप्याडमा लागू हुने उल्लेख गरिएको छ।
एप्पलको प्रेस विज्ञप्तिमा बीएसआई अध्यक्ष क्लाउडिया प्लाटनरलाई उद्धृत गरिएको र उनले “मोबाइल प्रोडक्टहरूको विकासमा सुरुदेखि नै सूचना सुरक्षालाई ध्यानमा राखियो भने मात्र सुरक्षित डिजिटल रूपान्तरण सफल हुन्छ” भनि बताएको उल्लेख गरिएको छ।
“आईओएस र आईप्याडओएस प्लेटफर्मको बीएसआईको कडा लेखा परीक्षण र जर्मन वर्गीकृत सूचना वातावरणमा प्रयोगको लागि डिभाइसहरूको सुरक्षा विस्तार गरेर, हामी नेटो देशहरूको सुरक्षा आवश्यकताहरूको अनुपालन पुष्टि गर्न पाउँदा खुसी छौं” उनले थप उल्लेख गरिन्।
प्रकाशित: १६ फाल्गुन २०८२, शनिबार
