काठमाडौं ।
माइक्रोसफ्टले विन्डोजमा आफ्नो परम्परागत पेन्ट र नोटप्याड एपहरूमा नयाँ एआई–आधारित क्षमताहरू थप्दै छ। पेन्ट र नोटप्याड एपहरूमा नयाँ एआई–आधारित क्षमताहरूको थपले यी सरल उपकरणहरूलाई कन्टेन्ट क्रियसन (सामग्री सिर्जना) र इडिटिङ (सम्पादन) को लागि थप उन्नत प्लेटफर्महरूमा परिणत गर्नेछ।
अपडेटहरू हाल विन्डोज ११ क्यानरी र देव च्यानलहरूमा विन्डोज इनसाइडरहरूमा वितरण गरिँदै छन् भने आधारभूत एप्लिकेसनहरूको लागि अहिलेसम्म यस्ता सुविधाहरू सामान्य नभएको टेलिग्राफले रिपोर्ट गरेको छ।
नोटप्याडमा, प्रयोगकर्ताहरूले अब नयाँ एआई सुविधाहरूबाट टेक्स्ट रिराइटिङ (पाठ पुनर्लेखन), स्टाइल इनहान्समेण्ट (शैली वृद्धि) र अटोम्याटिक कन्टेन्ट समराइजेसन (स्वचालित सामग्री सारांश) जस्ता फाइदा लिन सक्नेछन्। साथै यी सुविधाहरूले एपलाई द्रुत नोटहरू वा सम्पादनहरूको लागि थप उपयोगी बनाउने उल्लेख गरिएको छ।
त्यसैगरी, पेन्टले एआई मार्फत डिजिटल चित्रणहरू उत्पन्न गर्ने, साथै तुरुन्तै रङ्गीन पृष्ठहरू सिर्जना गर्ने, उन्नत डिजाइन उपकरणहरूको आवश्यकता बिना नै रचनात्मकताको लागि थप अवसरहरू प्रदान गर्ने जस्ता सुविधाहरू समावेश रहेको नयाँ रचनात्मक क्षमताहरू प्राप्त गर्दछ।
यी अपडेटहरू माइक्रोसफ्टको दैनिक विन्डोज अनुभवका साथै सरल एप्लिकेसनहरूलाई प्रयोगकर्ताहरूको लागि थप कार्यात्मक बनाउँदै तिनीहरूमा एआईलाई एकीकृत गर्ने फराकिलो रणनीतिको अंश भएको उल्लेख गरिएको छ।
प्रकाशित: १४ माघ २०८२, बुधबार
