काठमाडौं ।
२००८ मा लन्च भएको एक्ससी६० २७ लाख भन्दा बढी युनिट बिक्री भइसकेको छ र यो भोल्भोको सबैभन्दा धेरै बिक्री हुने मोडेल बनेको छ।
कम्पनीको विद्युतीय सवारी साधनको बिक्रीमा तीव्र गिरावट आएको समयमा अब विद्युतीय समकक्षको आगमन भएको छ।
२०२५ सम्ममा दहन इन्जिन बिनाको सवारी साधनहरूको माग १३ प्रतिशतले घटेको र जिलीको स्वामित्वमा रहेको ब्रान्डले ईएक्स६० ले अब सफलता प्राप्त गर्ने आशा राखेको टेलिग्राफले रिपोर्ट गरेको छ।
यद्यपि परिचित नाम भए पनि दुई मोडेलहरू ईएक्स६० र अत्यधिक सफल पेट्रोल–संचालित एक्ससी६० पूर्ण रूपमा फरक प्लेटफर्महरूमा आधारित रहेका छन्।
नयाँ मोडेल भोल्भोको इलेक्ट्रिक–वन्लि एसपीए३ आर्किटेक्चरमा निर्भर रहेको र इन्जिनियरहरूले आन्तरिक दहन इन्जिनहरू समायोजन गर्न सम्झौता गर्नु नपर्ने उल्लेख गरिएको छ।
ईएक्स६० को स्टाइलिङ ठूलो ईएक्स९० सँग मिल्दोजुल्दो भए पनि पावर–संचालित ढोका ह्यान्डलहरू भने सामान्यतया अपेक्षा गरिएको ठाउँमा नभएको उल्लेख गरिएको छ। साथै, पाङ्ग्राको आकार ५० देखि ५५ सेन्टिमिटरसम्मको भएको बताइएको छ।
ईएक्स६० भित्रको क्याबिनले लगभग बटन–रहित अनुभव प्रदान गर्दछ भने धेरैजसो फङ्गसनहरू इन्फोटेनमेन्ट प्रणाली मार्फत पहुँच हुनेछन्।
गुगलको जेमिनी एआई एसिस्टेण्ट प्रयोग गर्ने यो कम्पनीको पहिलो उत्पादन मोडेल पनि भएको बताइएको छ। तसर्थ यो मोडेलले विशिष्ट भ्वाइस कमाण्डहरू कण्ठ नगरीकनै थप प्राकृतिक अन्तरक्रियाहरूलाई सक्षम बनाउने उल्लेख गरिएको छ।
“स्क्रिनहरूले छिटो प्रतिक्रिया दिन्छन्, म्याप (नक्सा) हरू तुरुन्तै लोड हुन्छन्, भ्वाइस एसिस्टेण्टहरूले यात्रुहरूलाई राम्रोसँग बुझ्छन् र सबै कुरा सहज महसुस हुन्छ” भनि कम्पनीले बताएको छ।
साथै ईएक्स६० केवल पाँच–सिट मोडेल भएको थप उल्लेख गरिएको छ।
अमेरिकामा ईएक्स६० रियर–ह्वील ड्राइभ वा अल–ह्वील ड्राइभको साथ उपलब्ध हुनेछ।
आधार “पी६” मोडेलले प्रयोग गर्ने सिङ्गल–मोटर कन्फिगरेसनले ५.७ सेकेन्डको समय ०–१०० किलोमिटर प्रति घण्टा (६२ माइल प्रतिघण्टा) को गति सक्षम बनाउने छ।
रियर–माउन्टेड मोटरले ८०.० किलोवाट–आवर ब्याट्रीबाट पावर प्राप्त गर्दछ।
चार्जिङ पर्फर्मेन्स उत्तिकै प्रभावशाली भएको र आधार मोडेल “पी६” ले ३५० किलोवाटको अधिकतम चार्जिङ समर्थन गर्दछ भने हाई–इण्ड मोडेलहरूले ४०० किलोवाटसम्म समर्थन गर्दछ।
साथै उच्चतम चार्जिङ मोडेल १९ मिनेटमा १० देखि ८० प्रतिशत सम्म चार्ज हुनेछ।
चोटपटक र मृत्युलाई कम गर्न मद्दत गर्न भोल्भोले २०२० मा आफ्नो सम्पूर्ण लाइनअपमा गति सीमित गर्ने निर्णय गरेअनुसार ईएक्स६० संस्करणको अधिकतम गति इलेक्ट्रोनिक रूपमा १८० किलोमिटर प्रति घण्टामा सीमित गरिएको छ।
स्वीडेनमा निर्मित ईएक्स६० अब युरोप र अमेरिकामा वसन्त ऋतुको अन्त्यमा अर्डरको लागि उपलब्ध हुनेछ।
यो गर्मीमा “पी१२ एडब्ल्यूडी” सडकमा आउनु अघि सुरुमा “पी६” र “पी१० एडब्ल्यूडी” संस्करणहरूको डेलिभरी सुरु हुनेछ।
प्रकाशित: १३ माघ २०८२, मंगलवार
