काठमाडौं ।
माइक्रोसफ्टले विन्डोजको लागि निःशुल्क अफिस एप बन्द गर्ने घोषणा गरेको छ। तसर्थ प्रयोगकर्ताहरूले अब विन्डोज १० र विन्डोज ११ कम्प्युटरहरूमा डाउनलोड गर्न मिल्ने प्रोग्रामको रूपमा यो संस्करण पाउने छैनन्।
अहिलेसम्म निःशुल्क डेस्कटप संस्करणको रूपमा उपलब्ध स्वे एप्लिकेसन मार्फत प्रयोगकर्ताहरूले इन्टरएक्टिभ प्रिजेन्टेसन (अन्तरक्रियात्मक प्रस्तुतीकरणहरू), रिपोर्टहरू र डिजिटल स्टोरिज (कथाहरू) सिर्जना गर्नको लागि प्रयोग गर्दै आएको टेलिग्राफले रिपोर्ट गरेको छ।
यो परिवर्तन जुन २०२६ मा हुने अपेक्षा गरिएको छ। उक्त मितिमा माइक्रोसफ्टले डाउनलोड गर्न मिल्ने संस्करण बन्द गर्नेछ र वेब ब्राउजर मार्फत मात्र अनलाइन संस्करण उपलब्ध गराउनेछ।
यो कदमले एप्लिकेसन विकासलाई सरल बनाउन र क्लाउड समाधानहरूमा बढी ध्यान केन्द्रित गर्नको लागि मद्दत गर्नेछ।
“प्रयोगकर्ताहरूले आफ्नो कन्टेण्ट (सामग्री) गुमाउने छैनन् भने माइक्रोसफ्ट खाताबाट लग इन गरेपछि सबै परियोजनाहरू र कागजातहरू ब्राउजर मार्फत पहुँचयोग्य हुनेछन्” कम्पनीले बतायो।
साथै वेब संस्करण नयाँ सुविधाहरू र सुरक्षा सुधारहरूसँग अपडेट हुन जारी रहने थप उल्लेख गरिएको छ।
यो परिवर्तनले वर्ड, एक्सेल र पावरपोइन्ट जस्ता कोर अफिस एप्लिकेसनहरूलाई असर नगर्नुका साथै प्रयोगकर्ताहरूको लागि डेस्कटपमा क्लासिक रूपमा उपलब्ध रहनेछन्।
प्रकाशित: २९ पुष २०८२, मंगलवार
