स्पोटिफाई र्याप्ड २०२५ बाहिरियो!

काठमाडौं ।

स्पोटिफाईले हरेक वर्षको डिसेम्बर महिनामा आधिकारिक रूपमा वार्षिक र्याप्ड जारी गर्ने गरेको छ। स्पोटिफाईले वर्षको सोही समयमा आफ्नो लाखौं श्रोताहरूको लागि आफ्नो वार्षिक र्याप्ड जारी गरेको छ।

प्रशंसकहरूले गत वर्षको र्याप्ड तथ्याङ्कको स्पष्ट अभावको लागि आलोचना गरे तापनि यो वर्षको र्याप्डले आवश्यक पर्ने सबै कुराहरू समावेश गरेको बताइएको छ। स्पोटिफाई र्याप्ड २०२५ मा शीर्ष कलाकारहरू, शीर्ष गीतहरू, शीर्ष एल्बमहरू, श्रोता/प्रयोगकर्ताको कुल सुन्ने मिनेटहरूका साथै केही सुन्ने उमेर (नयाँ) जस्ता कुराहरू पनि समावेश रहेको उल्लेख गरिएको छ।

स्पोटिफाईले फेरि फिर्ता ल्याएको टप आर्टिस्ट (शीर्ष कलाकार) स्प्रिन्टले श्रोता/प्रयोगकर्ताको पाँच शीर्ष कलाकारहरू एक अर्का विरुद्ध स्प्रिन्ट गरेको देखाउने उल्लेख गरिएको छ।

त्यसैगरी यो वर्ष र्याप्ड प्रिजेन्टेसन (प्रस्तुतीकरण) को अन्त्यमा र्याप्ड पार्टी अर्को थपको रुपमा प्रस्तुत गरिएको छ। यो खेलमा आफ्ना साथीहरूलाई ठूलो संगीत प्रशंसक को हो भनेर हेर्नको लागि चुनौती दिन सकिने बताइएको छ।

स्पोटिफाईले स्वाभाविक रूपमा प्रयोगकर्ताको लागि २०२५ का १०० शीर्ष गीतहरूको प्लेलिस्ट पनि सिर्जना गर्ने जीएसएमएरिनाले रिपोर्ट गरेको छ।