तपाईंको मोबाइल फोन तात्ने समस्या छ? यी पाँच स्टेपहरु पालना गर्नुहोस् र जोखिमबाट बच्नुहोस्

काठमाडौं ।

यदि तपाईंको फोन लामो समयसम्म अत्यधिक काम (हेभी टास्क) का लागि प्रयोग गरिएमा, यो चाँडै तात्छ। कहिलेकाहीँ, फोन धेरै तातो हुन्छ, जसले ब्याट्री वा सफ्टवेयरलाईसमेत क्षति पुर्याउन सक्छ।

कुनैपनि फोन सिस्टम-अन-ए-चिप अपरेटिङ सिस्टममा चल्छ भन्ने बुझ्नु महत्वपूर्ण छ। यो धेरै संवेदनशिल हुन्छ, र फोनको बडी तात्दा यसलाई क्षति पुर्याउन सक्छ। अझ अत्यधिक तातो हुँदा फोन पड्किने जोखिम पनि हुनसक्छ जसले प्रयोगकर्तालाई शारिरिक नोक्सान पुर्याउन सक्छ।

यदि तपाईंको फोन पनि बारम्बार तात्छ भने, हामी यसलाई कसरी चिसो राख्ने भनेर सरल चरणहरूमा व्याख्या गर्दैछौं। यी सरल तरीकाहरूले तपाईंको अत्यधिक तातेको फोनलाई केही समयमै चिसो पार्न मद्दत गर्न सक्छ।

१. फोनलाई विश्राम दिनुहोस्
हामी फोन फेर्ने बारेमा कुरा गरिरहेका छैनौं, बरु यसलाई केही आराम दिने बारेमा कुरा गरिरहेका छौं। यदि फोन तातेको छ भने, तुरुन्तै सबै एपहरू बन्द गर्नुहोस् र केही मिनेटको लागि यसलाई प्रयोग नगरिकन अलग राख्नुहोस्।

२. फोन केस हटाउनुहोस्
यदि फोन धेरै तातो हुन थाल्यो भने, तुरुन्तै फोनबाट केस अर्थात कभर हटाउनुहोस्। कभर निकाल्ने बित्तिकै, फोनको बडी वा बाहिरी भागको ताप वातावरणमा रिलिज हुन थाल्छ, र यो चाँडै सामान्य तापक्रमको अवस्थामा फर्कन्छ।

३. फोनलाई प्रत्यक्ष घाम/तातोबाट टाढा राख्नुहोस्
यदि तपाईंको फोन धेरै तातो भएको छ भने, तुरुन्तै यसलाई कुनै पनि ताप स्रोत वा प्रत्यक्ष घामबाट टाढाको ठाउँमा राख्नुहोस्। आफ्नो फोनलाई कहिल्यै पनि प्रत्यक्ष घाममा नदेखाउनुहोस्, किनकि यसले छिटै फोन तताउने संभावना रहन्छ र गम्भीर क्षति पुर्याउन सक्छ।

४. स्क्रिनको चमक (ब्राइटनेस) कम गर्नुहोस्
धेरै पटक, उच्च ब्राइटनेसले पनि फोनलाई धेरै तातो बनाउन सक्छ। यदि फोन धेरै तातो हुन्छ भने, ब्राइटनेसलाई कम गर्नुहोस्। यसले ब्याट्री खपत कम गर्नेछ र यसलाई छिटो चिसो हुन सजिलो बनाउनेछ।

५. केही समयको लागि वायरलेस कनेक्टिभिटी बन्द गर्नुहोस्
यदि तपाईंको फोन धेरै तातो हुन्छ भने, यसको वायरलेस कनेक्टिभिटी विकल्पहरू बन्द गर्नुहोस्। यसमा वाईफाई, जीपीएस, र ब्लुटुथ समावेश हुन सक्छ। कहिलेकाँही तिनीहरूलाई तुरुन्तै बन्द गर्न सम्भव नहुन सक्छ, त्यसबेलामा फोन चिसो नभएसम्म प्रयोग कम गर्ने प्रयास गर्नुहोस्।