मायाको सम्भावना खोज्न ग्रोक एआईको प्रयोग गर्दै इलन मस्क

काठमाडौं ।

टेस्लाका सेयरधारकहरूले सीईओ एलन मस्कका लागि एक ट्रिलियन डलरसम्मको मूल्य हुने नयाँ पारिश्रमिक प्याकेज अनुमोदन गरेपछि मस्क आफ्नो सामाजिक सञ्जाल प्लेटफर्म ‘एक्स’ मा सामान्य सप्ताहन्त मनाउँदै गरेको देखिएको छ।

शनिबार बिहान ४:२० बजे (पूर्वी समयानुसार) मस्कले आफ्नै कम्पनी एक्सएआईको नयाँ फोटो र भिडियो उपकरण “ग्रोक इम्याजिन” बाट तयार गरिएको भिडियो पोस्ट गरे।

मस्कका अनुसार भिडियो उनले दिएको प्रम्प्टबाट बनेको हो— “उनी मुस्कुराउँछिन् र भन्छिन्, ‘म सधैं तिमीलाई माया गर्छु।’” भिडियोमा साँच्चै पनि वर्षा भइरहेको सडकमा एक एनिमेटेड महिलाले त्यही कुरा कृत्रिम स्वरमा बोलिरहेको देखिन्छ।

२४ मिनेटपछि मस्कले अभिनेत्री सिड्नी स्वीनीको एआईबाट बनेको अर्को भिडियो पोस्ट गरे, जसमा उनले अस्वाभाविक स्वरमा भनेकी छन्, “तिमी एकदमै क्रिन्ज छौ।”

एआईबाट बनेका पात्रहरूसँग मानिसहरूले अनौठो व्यवहार गर्ने वा प्रेमसम्बन्ध बनाउने प्रवृत्ति बढ्दै गएको छ, तर मस्कको “आई विल अलवेज लभ यू” भिडियोले ‘एक्स’ प्रयोगकर्ताहरूको विशेष ध्यान तानेको थियो।

कसैले यसलाई “यो वेबसाइटको इतिहासमै सबैभन्दा दुःखी पोस्ट” भनेर प्रतिक्रिया दिए।

तर यो हप्ता मस्कमाथि आएको सबैभन्दा कडा आलोचना यी प्रतिक्रियाहरू होइनन्। त्यो त ८७ वर्षीया पुरस्कारप्राप्त लेखिका जोइस क्यारोल ओट्सको टिप्पणी थियो।

रोयटर्सका अनुसार टेक्सासका एक राज्य सिनेटरले मस्कको पारिश्रमिक प्याकेजको आलोचना गरेपछि मस्कले दिएका प्रतिक्रियाहरू उद्धृत गर्ने एक प्रयोगकर्ताको पोस्टमा ओट्सले लेखिन्, मस्कले “कसरी अरू मानिसहरू जस्तै साधारण जीवनका सुन्दरताहरू—जस्तै साथी, परिवार, प्रकृति, पाल्तु जनावर, चलचित्र, संगीत वा पुस्तकप्रतिको रुचि—कसैप्रति कुनै चासो देखाउँदैनन् भन्ने निकै रोचक कुरा हो।”

“वास्तवमा उनी पूर्ण रूपमा अशिक्षित र असंस्कृत देखिन्छन्,” उनले थप लेखिन्। “ट्विटरमा भएका सबैभन्दा गरीब व्यक्तिहरूले पनि ‘विश्वका सबैभन्दा धनी व्यक्ति’ भन्दा बढी सुन्दरता र जीवनको अर्थ महसुस गर्न सक्छन्।”

मस्कले यसको जवाफमा छोटकरीमा लेखे, “ओट्स झूट बोल्छिन् र अरूलाई दु:ख दिन रमाउँछिन्। उनी राम्रो व्यक्ति होइनन्।”