Technology Khabar ९ भाद्र २०८२, सोमबार
काठमाडौं ।
ग्रोकले प्रदान गरिएको च्याट सेयरिङ बटन प्रयोग गरेपछि ग्रोकबाट ३७०,००० भन्दा बढी कुराकानीहरू (कन्भर्सेसन्स) प्रयोगकर्ताहरूको ज्ञान वा अनुमति बिना गुगल सर्च रिजल्टहरूमा देखा परेको फोब्र्स म्यागजिनले रिपोर्ट गरेको छ।
उक्त बटन मार्फत सिर्जना गरिएको एक अद्वितीय यूआरएलले पेज (पृष्ठ) लाई गुगलले बेवास्ता गर्नहुने कुराको रूपमा संकेत गरेको र यसले गर्दा कुराकानीहरू धेरै कम प्रयासमा सार्वजनिक रूपमा देखिने भएको उल्लेख गरिएको छ।
पासवर्डहरू, व्यक्तिगत स्वास्थ्य समस्याहरू र प्रेमका नाटकले भरिएका कुराकानीहरू अब सार्वजनिक रूपमा पहुँचयोग्य भएका छन् भने केही अवस्थामा आपराधिक अपराधहरूसँग सम्बन्धित अझ बढी समस्याग्रस्त विषयहरू देखा परेका छन् भनि टेलिग्राफले रिपोर्ट गरेको छ।
ग्रोक कुराकानीहरूको ट्रान्सक्रिप्टहरू प्राविधिक रूपमा गोप्य (बेनामी) हुने गर्दछन्। तर यदि तिनीहरूमा पहिचानकर्ताहरू छन् भने, मानिसहरूले तिनीहरूको पछाडि को छ भनेर पत्ता लगाउन सक्ने उल्लेख गरिएको छ। स्क्रिनसट वा प्राइभेट म्यासेजेज (निजी सन्देशहरू) भन्दा फरक, यी लिङ्कहरूको कुनै म्याद समाप्ति मिति वा एक्सेस कन्ट्रोल (पहुँच नियन्त्रण) नहुने र एक पटक सक्रिय भएपछि तिनीहरू सधैंभरि त्यसरी नै रहने बताइएको छ।
प्रयोगकर्ताले आफ्नो कुराकानी सार्वजनिक हुन सक्छ भन्ने तथ्यसँग पूर्ण रूपमा सहज नभएसम्म आफ्नो सुरक्षाको लागि पहिले “सेयर” सुविधा प्रयोग गर्न बन्द गर्नु पर्ने उल्लेख गरिएको छ।
यदि पहिले नै कुराकानी साझा गरेको खण्डमा भने, प्रयोगकर्ताले लिङ्क फेरि फेला पार्न प्रयास गर्न सक्नने र गुगलको कन्टेण्ट रिमुभल टुल प्रयोग गरेर त्यसलाई हटाउन अनुरोध गर्न सक्ने जनाइएको छ। यद्यपि, यो एक लामो प्रक्रिया भएको र लिङ्क चाँडै गायब हुनेछ भन्ने कुनै ग्यारेन्टी नभएको थप उल्लेख गरिएको छ।
यदि एक्स प्लेटफर्म मार्फत ग्रोकसँग च्याट गर्दै हुनुहुन्छ भने, प्रयोगकर्ताले आफ्नो प्राइभेसी सेटिङहरू पनि समायोजन गर्नु पर्नेछ भनि थप उल्लेख गरिएको छ।
साथै मोडेल प्रशिक्षणको लागि आफ्नो पोस्टहरू प्रयोग गर्न अनुमति दिने विकल्पलाई असक्षम गर्दा ठूलो सुरक्षा हुने सम्भावना रहेको बताइएको छ।
त्यसैगरी यो निश्चित नभए पनि एआई उत्पादनहरू बजारमा ल्याउने हतारले धेरै गोपनीयता सुरक्षाहरूलाईसोचेभन्दा बढी अस्पष्ट बनाएको टेलिग्राफले रिपोर्ट गरेको छ।
प्रकाशित: ९ भाद्र २०८२, सोमबार
