भारतमा अनलाइन गेमिङ्ग माथि प्रतिबन्ध लागेसँगै क्रिकेट टिमको जर्सी प्रायोजक खोजिँदै

काठमाडौं ।

भारतमा अनलाइन गेमिङ्ग माथि प्रतिबन्ध लगाउन कानून पारित भएसँगै फ्याटासी स्पोर्ट्स प्लेटफर्म ड्रीम ११ भारतीय क्रिकेट टिम-‘टिम इन्डिया’को जर्सीको शीर्षक प्रायोजकबाट अलग हुन सक्ने बताईएको छ।

संसदमा अनलाइन गेमिङ विधेयक पारित भएपछि, अनलाइन पैसा कमाउने खेलहरूमा अब प्रतिबन्ध लगाइएको छ र यसले ड्रीम ११ लाई पनि ठूलो धक्का दिएको छ।

भारतीय मिडिया रिपोर्टका अनुसार, यो अब भारतीय टोलीको जर्सीको शीर्षक प्रायोजक पनि हुनेछैन। यसका कारण, भारतीय क्रिकेट नियन्त्रण बोर्ड (बीसीसीआई) सँगको यसको ३५८ करोड भारतीय रुपैयाँको सम्झौता तोडिन सक्छ। साथै, एसिया कपमा टिम इन्डियाको जर्सी पनि परिवर्तन हुन सक्छ।

रिपोर्टका अनुसार, केही कम्पनीहरूले टीम इन्डियाको जर्सी प्रायोजनमा चासो देखाएका छन्। बीसीसीआईले यस विषयमा चाँडै ठूलो निर्णय लिन सक्छ।

रिपोर्टका अनुसार ड्रीम ११ ले प्रायोजन फिर्ता लिएपछि धेरै ठूला समूहहरूले यसमा रुचि देखाएका छन्, जसमा टाटा समूह, रिलायन्स र अडानी समूह जस्ता पुराना कम्पनीहरू बलियो दावेदार हुन्।

टाटा, रिलायन्स र अदानी समूह बाहेक, फिनटेक कम्पनीहरूले पनि यसमा चासो लिइरहेका छन्। यसमा जेरोधा, एन्जल वन र ग्रो जस्ता कम्पनीहरू समावेश छन्। यी कम्पनीहरू डिजिटल रूपमा धेरै बलियो छन्। यस बाहेक, अन्य कम्पनीहरुले समेत प्रयास गरेको रिपोर्टहरुमा उल्लेख छ।