साउन महिनामा ३ अर्ब ४१ करोड बराबरको स्मार्टफोन आयात, कुन देशबाट कति भित्रिए?

काठमाडौं ।

नेपालमा स्मार्टफोनको आयात बढ्दो क्रममा रहेको देखिएको देखिएको छ। भन्सार विभागले हालै सार्वजनिक गरेको चालु आर्थिक वर्ष २०८२/८३ को पहिलो महिना अर्थात् साउन महिनाको वैदेशिक व्यापारको तथ्यांक अनुसार नेपालमा स्मार्टफोन आयात विगतका वर्षमा झै उल्लेख्य रुपमा रहेको देखिएको छ।

चालु आर्थिक वर्ष २०८२/८३ को पहिलो महिना अर्थात् साउन मसान्तसम्म ३ अर्ब ४१ करोड ९२ लाख २२ हजार रुपैयाँ बराबरको स्मार्टफोन आयात भएको छ। यस अवधिमा उक्त रकम बराबरको १ लाख ३८ हजार ३३३ थान स्मार्टफोन आयात भएको हो।

गत आर्थिक वर्ष २०८१/८२ को साउन मसान्तसम्म ५ अर्ब ४६ करोड  ६३ लाख ५८ हजार रुपैयाँ बराबरको २ लाख २५ हजार १६३ थान स्मार्टफोन आयात भएको थियो।

चालु आवमा सरकारले स्मार्टफोनको आयातबाट ६३ करोड ७९ लाख ७४ हजार रुपैयाँ राजश्व संकलन गरेको छ। नेपालमा यो अवधिमा २९ मुलुकबाट स्मार्टफोन आएको गरेको भन्सार विभागको तथ्यांकमा देखिन्छ।

नेपालमा सबैभन्दा धेरै स्मार्टफोन चीनबाट आउने गरेको छ। यो महिनामा चीनबाट २ अर्ब ६८ करोड ११ लाख ५८ हजार रुपैयाँ बराबरको १ लाख ७५ हजार ८२९ थान स्मार्टफोन आयात भएको छ।

भारतबाट ७८ करोड ९० लाख ३४ हजार रुपैयाँ बराबरको १ लाख ३५ हजार ७६ थान स्मार्टफोन आएको भन्सार विभागको तथ्यांकमा देखिन्छ।

बाँकी २७ मुलुकबाट पनि विभिन्न परिमाण र रकमका स्मार्टफोनहरु आयात भएको छ।

तालिका यस प्रकार छ: