एप्पलले ३ अर्बभन्दा बढी आईफोनहरू बिक्री गर्यो: रिपोर्ट

काठमाडौं ।

एप्पलले आजसम्मको मितिसम्म बिक्री भएका आईफोनहरूको कुल संख्या ३ अर्बभन्दा बढी पुगेको खुलासा गरेको छ।

एप्पलका सीईओ टिम कुकले कम्पनीको आम्दानी विवरणको क्रममा यो कुराको खुलासा गरेका हुन्। एप्पलले सन् २०१६ मा एक अर्ब आईफोनहरू बिक्री गरेको थियो र सन् २०२१ मा कुनै समयमा दुई अर्ब पुगेको विश्वास गरिन्छ जुन अहिलेसम्म आधिकारिक रूपमा पुष्टि भने भएको छैन।

त्यसको चार वर्ष पछि अब, कम्पनीले थप अर्को एक अर्ब युनिटहरू बिक्री गर्न सफल भएको छ। यस वर्षको दोस्रो त्रैमासिकमा (अप्रिलदेखि जुन महिनामा) आईफोनको बिक्री दोहोरो अङ्कले बढेको र एप्पलले ९४ अर्ब अमेरिकी डलर आम्दानी कमाएको छ जुन गत वर्षको दोस्रो त्रैमासिकको तुलनामा १० प्रतिशतले बढी भएको कुकले जानकारी दिएका छन्।

एप्पलसँग सम्बन्धित कुराहरूसँग सधैं जानकार रहेका ब्लूमबर्गका मार्क गर्मनले यस त्रैमासिकमा आईफोनको बिक्रीमा भएको वृद्धिको कारण भने ट्रम्प प्रशासनको नयाँ शुल्कका कारण आईफोनको मूल्य ३,००० अमेरिकी डलर देखि २५,००० अमेरिकी डलर सम्म पुग्ने भनि इन्टरनेटमा गरिएका डरलाग्दो दाबीहरूको परिणामस्वरूप मानिसहरूले आतंकित भएर किनेको हुन सक्ने बताएको जीएसएमएरिनाले उल्लेख गरेको छ।

एप्पलले दोस्रो त्रैमासिकमा नयाँ शुल्कले ८०० मिलियन अमेरिकी डलर खर्च गरेको बताएको छ र तेस्रो त्रैमासिक (जुलाई देखि सेप्टेम्बर) मा यो संख्या १.१ बिलियन अमेरिकी डलर पुग्ने अपेक्षा गरिएको छ। सेप्टेम्बरमा, कम्पनीले नयाँ आईफोन १७ परिवारको अनावरण गर्नेछ, जसमा धेरै पातलो आईफोन १७ एयर समावेश गर्ने हल्ला रहेको छ र जसले अहिलेसम्म सिरिजको सबैभन्दा खराब बिक्री भएको प्लस मोडेललाई प्रतिस्थापन गर्ने बताइएको छ। नयाँ आईफोन १७ परिवारको घोषणा सेप्टेम्बर ८, ९ वा १० तारिखमा गरिने अपेक्षा गरिएको छ।