बेलायती नियामकले ९०० मेगाहर्ज र १८०० मेगाहर्ज ब्यान्डहरूको लाइसेन्स शुल्क कटौती गर्ने

काठमाडौं ।

बेलायती नियामक अफकमले ९०० मेगाहर्ज, १८०० मेगाहर्ज र २१०० मेगाहर्ज ब्यान्डहरूको लागि वार्षिक लाइसेन्स शुल्क परिवर्तन गर्ने बताएको छ, जसले गर्दा मोबाइल अपरेटरहरूको अनुमानित संयुक्त कुल ६ करोड पाउन्ड प्रति वर्ष बचत हुनेछ।

यसले ९०० मेगाहर्ज स्पेक्ट्रमको शुल्क घटाएर प्रति मेगाहर्ज १.०३२ मिलियन पाउण्ड (२६% घटाएर); १८०० मेगाहर्ज स्पेक्ट्रमको शुल्क घटाएर प्रति मेगाहर्ज ०.७६० मिलियन पाउण्ड (२६% घटाएर); तर २१०० मेगाहर्ज स्पेक्ट्रमको शुल्क बढाएर प्रति मेगाहर्ज ०.७२२ मिलियन पाउण्ड (६% बढाएर) गर्नेछ।

समग्रमा, यसले अपरेटरहरूले तिर्ने कुल शुल्क प्रति वर्ष लगभग ३२५ मिलियन पाउण्डबाट लगभग २६५ मिलियन पाउण्ड प्रति वर्ष वा लगभग ६० मिलियन पाउण्ड कम हुनेछ।

यसका साथै, अफकमले “मोबाइल स्पेक्ट्रम व्यापार गर्न सम्भावित अवरोध हटाउन” मोबाइल व्यापार नियमहरू संशोधन गर्ने प्रस्तावहरूमा परामर्श गरिरहेको बताएको टेलिकम्स डटकमले रिपोर्ट गरेको छ।