Technology Khabar २५ असार २०८२, बुधबार
काठमाडौं ।
ओप्पोले आफ्नो रेनो १४ मा नयाँ “सन एण्ड मुनलाइट” कलर एडिसन प्रस्तुत गरेको छ। चीनमा यस संस्करणको बिक्री जुलाई ११ तारिखको लागि तय गरिएको छ।
यो संस्करण एक युनिक टेम्परेचर सेन्सिटिभ (अद्वितीय तापक्रम–संवेदनशील) फिनिशको साथ आएको ओप्पोले बताएको छ र डिभाइसले वरपरको तापको आधारमा रङहरू परिवर्तन गर्ने उल्लेख गरिएको छ।
पूर्व–अर्डरहरू पहिले नै सुरु भइसकेको डिभाइसको मूल्य २,६९९ युआन (३७६ अमेरिकी डलर) बाट सुरु हुने उल्लेख गरिएको छ।
ओप्पो रेनो १४ सन एण्ड मुनलाइट संस्करणः
ओप्पो रेनो १४ को सन एण्ड मुनलाइट संस्करणमा हिट–रियाक्टिभ ब्याक रहेको छ जुन तापक्रममा निर्भर गर्दै मुनलाइट सिल्भरबाट सनलाइट अरेञ्ज रङ्गमा परिवर्तन हुने उल्लेख गरिएको छ।
लगभग माइनस १५ डिग्री सेल्सियसमा डिभाइसले भाइब्रेण्ट अरेञ्ज (जीवन्त सुन्तला) टोन प्रकट गर्दछ भने ७० डिग्री सेल्सियस भन्दा माथिको तापक्रममा यो सिल्भर (चाँदी) रङ्गमा फिर्ता ढल्ने उल्लेख गरिएको छ।
ओप्पोले ट्रान्जिसनको समयमा दुवै रङ्गहरू सह–अस्तित्वमा रहन सक्ने दाबी गरेका छ जसले डिभाइसलाई दृश्यात्मक रूपमा गतिशील उपस्थिति प्रदान गर्ने उल्लेख गरिएको छ। पहिलेका इलेक्ट्रोक्रोमिक डिजाइनहरू भन्दा फरक रुपमा यो प्रक्रिया स्वचालित हुनुका साथै वातावरणसँग सिधै प्रतिक्रिया देखाउने बताइएको छ।
ओप्पो रेनो १४ सन एण्ड मुनलाइट भेरियन्ट धेरै कन्फिगरेसनहरूमा आउँछः
ओप्पोले यो कलर संस्करण विश्वव्यापी बजारमा उपलब्ध गराउने कि नगराउने भन्ने बारेमा भने कुनै स्पष्ट जानकारी उपलब्ध छैन।
ओप्पो रेनो १४ को स्पेसिफिकेशनहरूः
चीनमा मे महिनामा लन्च गरिएको ओप्पो रेनो १४ मा मिडियाटेक डाइमेन्सिटी ८३५० प्रोसेसर रहेको छ। यस डिभाइसमा ६.५९ इन्चको फ्ल्याट न्यारो–बेजेल डिस्प्ले र ८० वाट फास्ट चार्जिङको साथ ६,०००एमएएच ब्याट्री रहेको छ।
त्यसैगरी डिभाइसले पानी र धुलो प्रतिरोधको लागि आईपी६६/६८/६९ रेटिङ्ग प्राप्त गरेको र यसमा सफ्ट–टच ग्लास ब्याकको साथ मेटल (धातु) फ्रेम रहेको छ।
ओप्पो रेनो १४ मा ५० मेगापिक्सेलको मुख्य क्यामरा, ३.५ह जुम भएको ५० मेगापिक्सेलको पेरिस्कोप टेलिफोटो लेन्स र ८ मेगापिक्सेलको अल्ट्रा–वाइड सेन्सर प्याक गरिएको छ। फोन कलरओएस १५–आधारित एन्ड्रोइड १५ मा चल्ने गीज्मोचाइनाले उल्लेख गरेको छ।
प्रकाशित: २५ असार २०८२, बुधबार
