अमेरिकाले चीन निर्यातमा लगाइएको प्रतिबन्ध हटाएपछि चिप डिजाइन सफ्टवेयर फर्महरूमा वृद्धि

काठमाडौं ।

संयुक्त राज्य अमेरिकाले चीनमा चिप डिजाइन सफ्टवेयरमा निर्यात प्रतिबन्ध हटाएपछि बिहीबार सिनोप्सी र क्याडेन्स डिजाइन सिस्टम्सको शेयर उकालो लागेको छ। साथै यसले महत्वपूर्ण बजारमा पहुँचको बारेमा प्रमुख अनिश्चिततालाई कम गरेको छ।

जर्मनीको सिमेन्ससँगै यी दुई कम्पनीहरूले चिनियाँ ग्राहकहरूको लागि आफ्नो इलेक्ट्रोनिक डिजाइन अटोमेसन (ईडीए) टुल्सको उपलब्धता पुनः सुरु गरिरहेको बताएका छन्।

अमेरिका–चीन व्यापार तनावमा देखिएको यो घट्डो गति विशेषगरी ईडीए उद्योगका तीन ठूला खेलाडीहरूको लागि ठूलो राहतको रूपमा आएको बताइएको छ जसमा क्याडेन्सले चीनबाट वार्षिक राजस्वको लगभग १२ प्रतिशत प्राप्त गर्दछ भने सिनोप्सीले आफ्नो बिक्रीको लगभग १६ प्रतिशत देशमा निर्भर गर्ने गरेको उल्लेख गरिएको छ।

दुई देश बीचको व्यापार तनावमा कमि आउनु अघि अमेरिकी व्यापारमा सिनोप्सी र क्याडेन्स क्रमशः ६.७ प्रतिशत र ५.९ प्रतिशतले बढेको थियो भने सिमेन्सले फ्रान्कफर्टमा ०.९ प्रतिशतले वृद्धि गरेको बताइएको छ।

“यसले चिप्स युद्धमा सम्बन्धमा स्पष्ट न्यानोपन र सानो युद्धविरामलाई संकेत गर्दछ” हाग्र्रिभ्स ल्यान्सडाउनका मुद्रा र बजार प्रमुख सुसाना स्ट्रिटरले भनिन्।

वासिङ्टनले, प्रशासनभरि, अत्याधुनिक अमेरिकी प्रविधिमा चीनको एआई विकासलाई रोक्न खोज्दै यसको पहुँचलाई घटाउने प्रयास गरेको रिपोर्ट गरिएको छ।

अमेरिकी प्रतिबन्धहरूको बीचमा, चीनको सेमिकण्डक्टर उद्योगले स्थानीय उत्पादनको लागि अनुदानबाट लाभ उठाएको र जसले गर्दा डिजाइन गतिविधिमा वृद्धि भएको बताइएको छ।

चीनमा अमेरिकी निर्यात प्रतिबन्धहरूको प्रतिक्रियाको रुपमा सिनोप्सीले मे महिनामा आफ्नो वार्षिक र त्रैमासिक पूर्वानुमानहरू जारी गरेको एक दिन पछि निलम्बन गरेको थियो।

कम्पनीले अब प्रतिबन्धहरू हटाइएपछि आफ्नो रुपरेखामा पुनस्र्थापित गर्ने कि नगर्ने भन्ने बारेमा टिप्पणीको लागि रोयटर्सको अनुरोधलाई तुरुन्तै जवाफ नदिएको रिपोर्ट गरिएको छ।

मे महिनाको अन्त्यतिर सार्वजनिक गरिएका निर्यात प्रतिबन्धहरूले हालको त्रैमासिकमा सिनोप्सिस र क्याडेन्सको लगभग एक महिनाको राजस्वमा मात्र असर पार्ने मिजुहो विश्लेषकहरूले बताएका छन्।

विश्लेषकहरूले सिनोप्सिसको इन्जिनियरिङ सफ्टवेयर फर्म एन्सिसको ३५ अर्ब डलरको खरिद निर्यात प्रतिबन्धको परिणामस्वरूप चिनियाँ नियामकहरूले ढिलाइ वा अवरुद्ध गर्न सक्छन् भन्ने चेतावनी पनि दिएका छन्।

मिजुहो विश्लेषकहरूले अब प्रतिबन्धहरू हटाइएसँगै, उनीहरूले “जुलाई १५ को समयसीमासम्ममा मर्जर बन्द हुन सक्छ, वा कम्तिमा सन् २०२५ मा पूरा हुने दिशामा प्रगति जारी रहन्छ” भन्ने अपेक्षा गरेका छन् भनी रोयटर्सले रिपोर्ट गरको छ।