सामसङ एसडीआईले यस वर्ष ड्राई इलेक्ट्रोड ब्याट्री प्रमाणीकरण गर्ने रिपोर्ट

काठमाडौं ।

दक्षिण कोरियाली ब्याट्री निर्माता सामसङ एसडीआईले यस वर्ष आफ्नो ड्राई इलेक्ट्रोड प्रविधिको प्रमाणीकरण सुरु गर्ने एक वरिष्ठ कार्यकारीलाई उदृत गर्दै द इलेकले रिपोर्ट गरेको छ।

यसको चेओनान सुविधामा निर्मित ड्राइइभी (DryEV) भनिने नयाँ पाइलट लाइनमा यसको प्रमाणीकरण गरिने सामसुङ एसडीआईको इलेक्ट्रोड समूहका प्रमुख चो चाए-वोङले कोएक्समा द इलेकद्वारा आयोजित ग्लोबल ब्याट्री फाउन्ड्री फोरमको समयमा भने।

सफलताको साँचो पोलिटेट्राफ्लुरोइथिलीन (पीटीएफई) बाइन्डरको फाइब्रोसिस र कन्डक्टिभ एजेन्टको एकरूप वितरण हो।

“सुख्खा र भिजेको इलेक्ट्रोडहरू बीचको एक मात्र भिन्नता बाइन्डर हो र यो प्रमुख चाबी थियो,” चोले भने।

पर्याप्त र समानरुपमा बल र दबाब लागू गर्दा पीटीएफई बाइन्डर फाइबर जस्तो बन्छ र यो फाइबर संरचना कन्डक्टिभ सामग्रीहरूलाई समर्थन गर्ने तह बन्ने कार्यकारीले भनेका छन्।

“पाउडरको रूपमा कन्डक्टिभ सामग्रीहरू यस प्रक्रियाको क्रममा समान रूपमा वितरित हुन्छन् र फाइबरहरूसँग मिल्छन्, जसले इलेक्ट्रोडलाई बलियो फिल्म बनाउँछ,” उनले भने।

सामसङ एसडीआईले आफ्नो सोलिड स्टेट ब्याट्रीहरूमा ड्राई इलेक्ट्रोड प्रविधि पनि लागू गर्न खोजिरहेको छ।