सामसङको एक्सआर हेडसेटको लन्च मिति लीक: एप्पल र मेटासँग प्रतिस्पर्धा गर्ला?

काठमाडौं ।

सामसङको लामो समयदेखि प्रतिक्षा गरिएको एक्सटेन्डेड रियालिटी (एक्सआर) ले अन्ततः आकार लिइरहेको छ। कम्पनीको पहिलो एक्सआर हेडसेटको कोडनेम प्रोजेक्ट मुहानले एप्पल र मेटा जस्ता दिग्गजहरूलाई स्पेसियल कम्प्युटिङ क्षेत्रमा चुनौती दिन तयार भएको उल्लेख गरिएको छ। खेल परिवर्तन गर्ने यो डिभाइसको खनावरण अब केही महिना पछि हुने बताइएको छ।

न्यूजपिम (कोरियाली भाषामा) को एक रिपोर्टले सामसङले सन् २०२५ को सेप्टेम्बर २९ तारिखमा दक्षिण कोरियामा एक समर्पित अनप्याक्ड कार्यक्रममा आफ्नो एक्सआर हेडसेट अनावरण गर्ने खुलासा गरेको छ र डिभाइसको बिक्री अक्टोबर १३ तारिखदेखि कोरिया र संयुक्त राज्य अमेरिका सहित विश्वव्यापी बजारहरूमा सुरु हुने उल्लेख गरिएको छ।

सामसङलेसन् २०२५ को जुलाई महिनामा हुने अनप्याक्ड कार्यक्रममा ग्यालेक्सी जेड फ्लिप ७ र फोल्ड ७ सँगसँगै बजार चर्चा मापन गर्न प्रोटोटाइप र भिडियोहरू प्रदर्शन गर्दै हेडसेटलाई टिज (प्रदर्शन) गर्ने योजना बनाएको छ। क्वालकमको स्न्यापड्रागन एक्सआर२+ जेन २ चिप र १६ जीबी र्यामद्वारा संचालित, यसमा क्रिस्प भिजुअलहरूको लागि उच्च रिफ्रेस दरको साथ डुअल माइक्रो ओएलईडी डिस्प्लेहरू रहने छन्। यो डिभाइस पहिले नै गीकबेन्चमा देखा परिसकेको छ र विवरणहरू यहाँ हेर्न प्रस्तुत गरिएका छन्।

गुगलसँग विकास गरिएको एन्ड्रोइड एक्सआरमा चल्ने यो हेडसेटले सबै एन्ड्रोइड स्मार्टफोन र ट्याब्लेट एपहरूलाई समर्थन गर्ने बताइएको छ जसमा चयन गरिएका गुगल र सामसङ एपहरूका लागि इमर्सिभ यूआई ट्वीकहरू समावेश रहेका छन्।

हेडसेटको ग्यालेक्सी एआई एकीकरणले प्रयोगकर्ताहरूलाई उनीहरूको स्क्रिन “हेरेर”, नेभिगेसन वा कन्टेन्ट क्रियसन (सामग्री सिर्जना) जस्ता कार्यहरूलाई सुव्यवस्थित गरेर सहयोग गर्ने उल्लेख गरिएको छ। यसले सामसङलाई एप्पलको सीमित सामग्री र उच्च लागतसँग संघर्ष गरेको ३,५०० अमेरिकी डलर मूल्यको भिजन प्रो र त्यसैगरी आफ्नो किफायतीताको कारणले ८४ प्रतिशतका साथ सन् २०२४ को चौथो त्रैमासिक बजार साझेदारीको साथ प्रभुत्व जमाएको मेटाको क्वेस्ट ३एस भन्दा अगाडि बढाउन सक्ने उल्लेख गरिएको छ।

लीकहरु र अफवाहहरूका अनुासार, बजारमा आवश्यक पर्ने चिज यो हेडसेटमा प्याक गरेको देखिन्छ। त्यसैगरी धेरैजसो अपील भने मूल्य ट्यागमा निर्भर हुने गीज्मोचाइनाले उल्लेख गरेको छ।