गुगल पिक्सेल १० कहिले आइपुग्छ?

काठमाडौं ।

गुगल पिक्सेल १० सिरिज लगभग संघारमा आइपुगेको छ र यसै क्रममा अब डिभाइसको आधिकारिक लन्च मितिको खुलासा भएको छ।

गुगलले सन् २०२५ को अगस्ट २० तारिखमा आफ्नो “मेड बाई गुगल” (गुगलद्वारा निर्मित) कार्यक्रम आयोजना गर्दैछ र यो मितिमा पिक्सेल वाच ४ पनि प्रस्तुत गरिने अपेक्षा गरिएको एन्ड्रोइड हेडलाइन्सको रिपोर्टले उल्लेख गरेको छ।

गत हप्ता, गुगलले आफ्ना केही पिक्सेल “सुपरफ्यानहरू” लाई अरू भन्दा पहिले नयाँ डिभाइसहरू हेर्न आमन्त्रित गर्दै विशेष गरी जुन २५ तारिखको लागि निमन्त्रणा पठाएको थियो।

यसले धेरैलाई पिक्सेल १० यस वर्षको सुरुमा अनावरण गरिनेछ भनेर विश्वास गर्न प्रेरित गरेको छ। तर वास्तवमा यो कुरो सत्य नभएको र डिभाइस आधिकारिक रूपमा सन् २०२५ को अगस्ट २० तारिखमा नै अनावरण गरिने उल्लेख गरिएको छ।

पिक्सेल ९ को तुलनामा ठूलो डिजाइन परिवर्तनको आशा गर्नेहरू भने निराश हुन सक्ने सम्भावना रहेको र पिक्सेल १० धेरै हदसम्म यसको आफ्नो पूर्ववर्तीसँग मिल्दोजुल्दो हुने उल्लेख गरिएको छ।

यस बाहेक गुगलले यस सिरिजमा “प्रो” मोडेल प्रदान गर्न जारी राख्ने खबर पनि रहेको छ।

गुगल पिक्सेल १० सिरिज अन्तर्गत समान आकारका स्क्रिनहरू भएका पिक्सेल १० र पिक्सेल १० प्रो, साथै ठूलो स्क्रिन भएको पिक्सेल १०प्रो एक्सएल मोडेलका साथै पिक्सेल १० प्रो फोल्ड भनिने फोल्डेबल संस्करण हुने अपेक्षा गरिएको टेलीग्राफले रिपोर्ट गरेको छ।