एक्सपेङ मोना एम०३ म्याक्सः २०,००० अमेरिकी डलरमा सदस्यता–मुक्त एआई ड्राइभिङ प्रदान गर्ने पहिलो ईभी

काठमाडौं ।

एक्सपेङले चीनमा नयाँ इलेक्ट्रिक ह्याचब्याक मोना एम०३ म्याक्स लन्च गरेको छ। नयाँ इलेक्ट्रिक ह्याचब्याकको २०,००० अमेरिकी डलर (१५०,००० चिनियाँ युआन) मूल्य कायम गरिएको छ। यो यस मूल्य दायरामा कुनै पनि थप सदस्यता बिना सिटी–लेभल एआई स्मार्ट ड्राइभिङ प्रदान गर्ने एक मात्र ईभी भएको बताइएको छ।

एम०३ म्याक्स एक्सपेङको इन–हाउस एआई ट्युरिङ स्मार्ट ड्राइभिङ प्रणालीद्वारा संचालित छ। यसले ५०८ टप्स कम्प्युटिङ पावरको साथ दुई एनभिडिया ओरिन–एक्स चिपहरू प्रयोग गर्दछ जुन यसको वर्गका अन्य कारहरू भन्दा चार गुणा बढी भएको बताइएको छ। उक्त प्रणालीले एकै प्लेटफर्ममा पर्सेप्सन (धारणा), डिसिजन–मेकिङ (निर्णय लिने) र कन्ट्रोल (नियन्त्रण) लाई संयोजन गर्दछ। यो संकेत र अवरोधहरू जस्ता ५० भन्दा बढी रोड इलिमेण्ट (सडक तत्वहरू) पत्ता लगाउनका लागि २७ वटा सेन्सरहरू र एक सराउण्ड रियालिटी डिस्प्लेमा निर्भर रहेको उल्लेख गरिएको छ। कारले म्यानुअल स्टेयरिङको समयमा कुनै अवरोध बिना चालक र प्रणाली बीच साझा नियन्त्रणलाई समर्थन गर्दछ। यसमा उन्नत पार्किङ सुविधाहरू र पोइन्ट–टु–पोइन्ट असिस्टेड ड्राइभिङ पनि समावेश गरिएको छ।

स्मार्ट ककपिट नयाँ एआई टियान्जी सिस्टम ५.७.० मा चल्ने बताइएको छ। यसले ३०० भन्दा बढी नयाँ सुविधाहरू थपको र एक्सपेङको एक्सजीपीटी ल्याङ्गवेज मोडेल प्रयोग गर्ने बताइएको छ। भ्वाइस कन्ट्रोल (आवाज नियन्त्रण) ले अब कारको ९० प्रतिशत भन्दा बढी कार्यहरू समेट्ने उल्लेख गरिएको छ भने धेरैजसो कमाण्ड (आदेश) हरू एक सेकेन्ड भित्र पूरा हुने जनाइएको छ। भ्वाइस असिस्टेण्ट (आवाज सहायक) ले फ्री–फ्लो कन्भर्सेसन (कुराकानी) हरू र कन्टेक्स्ट–अवेर रेसपोन्स (सन्दर्भ–सचेत प्रतिक्रिया) हरूको लागि गहिरो डीप थिकिङ्ग मोडलाई पनि समर्थन गर्दछ।

एम०३ म्याक्स भित्र, १५.६ इन्चको सेन्टर डिस्प्ले र १८–स्पीकर ७.१.४ सराउन्ड साउन्ड सेटअप रहेको छ। ड्राइभरको सिटमा मसाज फङ्गसनको साथ ट्राई–जोन लम्बर सपोर्ट समावेश गरिएको छ। साइड मिररहरू फ्रेमलेस छन् भने हिटिङ्ग, अटो–फोल्डिङ्ग, मेमोरी, र रिभर्स टिल्ट समावेश गरिएको उल्लेख छ। असिस्टेड ड्राइभिङ सक्रिय हुँदा नीलो प्रकाश इण्डिकेटर सिग्नल (संकेत)हरू देखिने जनाइएको छ।

एम०३ म्याक्स ६०० किमी र ५०२ किमी गरी दुई वटा रेञ्ज विकल्पहरूमा आउने बताइएको छ। प्लस संस्करणले ६२० किमी र ५१५ किमी विकल्पहरू प्रदान गर्दछ। यी संस्करणहरूले प्रयोगकर्ताको आवश्यकताहरूको दायरा पूरा गर्ने लक्ष्य राखेका छन्। सन् २०२४ अगस्टमा मोना एम०३ प्रो लन्च भएदेखि, एक्सपेङले १,२०,००० युनिटहरू डेलिभर गरिसकेको र जसले चिनियाँ ईभी स्टार्टअपहरूमा डेलिभरी रेकर्ड स्थापित गरेको बताइएको छ। एम०३ म्याक्सको हाल कुनै विश्वव्यापी रिलीज योजना नभएको तर भविष्यका मोना मोडेलहरूले अन्तर्राष्ट्रिय बजारहरूलाई लक्षित गरिने एक्सपेङले पुष्टि गरेको गीज्मोचाइनाले उल्लेख गरेको छ।