दश महिनामा सरकारले भित्र्यायो साढे १४ करोडमाथिका हियरिङ एड र पेसमेकर

काठमाडौं ।

नेपालमा आयात हुने विभिन्न इलेक्ट्रोनिक डिभाइसहरुमा श्रवण शक्ति कमजोर भएकाले लगाउने हियरिङ एड र मुटुमा समस्या भएकाहरुले प्रयोग गर्ने पेसमेकर पनि उल्लेख्य रहेका छन्।

भन्सार विभागको आर्थिक वर्ष २०८१/८२ को २०८२ वैशाख मसान्तसम्मको वैदेशिक व्यापारको तथ्यांक अनुसार नेपालमा १४ करोड ६९ लाख ५३ हजार रुपैयाँ बराबरको हियरिङ एड र पेसमेकरआयात भएको पाइएको छ।

यो अवधिमा नेपालमा विश्वका विभिन्न १४ देशबाट समग्रमा ३१ हजार ६६३ थान हियरिङ एड तथा पेसमेकर भित्रिएको छ। यो आयातबाट सरकारले १ करोड २१ लाख ६१ हजार रुपैयाँ राजस्व संकलन गरेको छ।

यस्तो छ विवरण:

हियरिङ एड

पेसमेकर

हियरिङ एड के हो?

हियरिङ एड एउटा सानो विद्युतीय उपकरण हो जुन कानमा लगाइन्छ र जसले सुन्न गाह्रो भएका व्यक्तिलाई ध्वनि ठूलो र स्पष्ट बनाएर सुनाउँछ।

• सुन्न सक्ने क्षमता घटेका (श्रवण शक्ति कमजोर भएका) व्यक्तिहरूले प्रयोग गर्छन्।
• यो उपकरणले वरिपरिको आवाज टिपेर त्यसलाई ठूलो बनाउँछ ताकि प्रयोगकर्ताले सजिलै सुन्न सकून्।
• बालबालिकादेखि वृद्धसम्मका लागि उपयुक्त हुन्छ।

पेसमेकर के हो?

यो एउटा सानो विद्युतीय यन्त्र हो जुन छातीको छालामुनि राखिन्छ र यसले मुटुको धड्कनलाई सामान्य राख्न मद्दत गर्छ।

• मुटुको धड्कन असामान्य हुने (ढिलो या असमान धड्कन) समस्यामा प्रयोग गरिन्छ।
• जब मुटु आफैंले सही तरिकाले धड्कन बनाउन सक्दैन, तब पेसमेकरले विद्युतीय संकेत पठाएर धड्कनलाई नियमित बनाउँछ।
• मुटुमा समस्या भएका वृद्ध वा मुटुको शल्यक्रिया गरिसकेका बिरामीहरूमा प्राय: यो प्रयोग गरिन्छ।