आईसीटी ल्याब देशभरका २९.५८ प्रतिशत सामुदायिक विद्यालयमा विस्तार

काठमाडौं ।

प्राविधिक तथा व्यावसायिक शिक्षा लिएको जनशक्तिको सङ्ख्या ४ लाख ९७ हजार ९ सय भन्दा बढी भएको छ।

चालु आर्थिक वर्ष २०८१/८२ को फागुनसम्म श्रम बजारको आवश्यकता र मागबमोजिम ५,३६० जनाको लागि निःशुल्क छोटो अवधिको सीपमूलक तालीम सञ्चालन भएका आज सार्वजनिक गरिएको आर्थिक वर्ष २०८२/८३ आर्थिक सर्वेक्षण तथा समिक्षा तथ्यांकमा उल्लेख छ।

तथ्यांकअनुसार, २०८१ फागुनसम्म विभिन्न तह र पेशामा सीप परीक्षण प्रमाणीकृत भएका जनशक्तिको सङ्ख्या ४ लाख ९७ हजार ९ सय भन्दा बढी रहेको छ।

यसैगरी, मुलुकभर सञ्चालित २७ हजार २ सय ९८ सामुदायिक विद्यालयमध्ये ८५.४३ प्रतिशत विद्यालयमा इन्टरनेट सुविधाको पहुँच पुगेको छ भने २९.५८ प्रतिशत सामुदायिक विद्यालयमा आईसीटी ल्याबको विस्तार भएको छ।