ब्लूस्काईले पनि शुरु गर्यो भेरिफिकेशन सुविधा, एक्सले जस्तो नीलो भेरिफिकेशन ब्याज प्रदान गर्ने

काठमाडौं ।

सामाजिक सञ्जाल ब्लूस्काईले बिहीबारदेखि आफ्नो प्लेटफर्ममा प्रमाणीकरण प्रक्रियाको ढोका खोल्ने घोषणा गरेको छ। ब्लूस्काई सेफ्टी नामक खाताबाट सार्वजनिक गरिएको पोस्टअनुसार अब “प्रसिद्ध र वास्तविक” खाता भएका प्रयोगकर्ताहरूले नयाँ अनलाइन फारममार्फत प्रमाणीकरणको लागि आवेदन दिन सक्नेछन्।

टेकक्रञ्चका अनुसार संस्थाहरूले पनि ट्रस्टेड भेरिफायर बन्नका लागि आवेदन दिन सक्नेछन्, जसले तिनीहरूलाई अरूलाई प्रमाणीकरण गर्न अनुमति दिने उपकरणहरूमा पहुँच दिन्छ। यो सुविधा ब्लूस्काई ले गत महिना द न्यूयोर्क टाइम्स, वायर्ड र द एथलेटिक जस्ता केही संस्थाहरूसँग प्रारम्भिक परीक्षणको रूपमा सुरु गरेको थियो।

तर केही प्रयोगकर्ताहरूका लागि ब्लूस्काईमा आएको निलो प्रमाणीकरण ब्याज (नीलो भेरिफिकेशन ब्याज) स्वागतयोग्य छैन, किनभने यसले ट्विटर (हाल एक्स) मा भएको प्रभाव र पहुँच खोज्ने प्रवृत्तिको सम्झना दिलाउँछ। ट्विटरमा प्रमाणीकरण पहिल्यै एक प्रकारको प्रतिष्ठा प्रतीक बनेको थियो, जुन अहिले ईलन मस्कको स्वामित्वमा रहेको प्लेटफर्ममा सशुल्क सदस्यताको सुविधा बनेको छ।

ब्लूस्काई को प्रमाणीकरण प्रक्रिया भने निलो ब्याजमा मात्र निर्भर छैन। कम्पनीबाहेक ट्रस्टेड भेरिफायर मार्फत प्रमाणीकरणको अधिकार दिनुका साथै, प्रयोगकर्ताहरूले आफ्नै डोमेनलाई युजरनेमको रूपमा प्रयोग गरेर पनि प्रमाणीकरण गर्न सक्छन् — जस्तै एनपीआरले @npr.org प्रयोग गरेर गरेको छ। अहिलेसम्म २ लाख ७० हजारभन्दा बढी खाताहरूले यसरी डोमेन-आधारित प्रमाणीकरण अपनाइसकेका छन्।

तर ब्लूस्काईले प्रमाणीकरणको लागि आउने आवेदनहरू कसरी मूल्यांकन गर्छ भन्ने विषय अझै स्पष्ट छैन। अनलाइन फारममा केही आधारभूत सर्तहरू उल्लेख गरिएको छ — खाता सक्रिय हुनुपर्ने, प्रोफाइल पूर्ण हुनुपर्ने (बायो, फोटो, आदि), सुरक्षित हुनुपर्ने, र त्यो खाता कुनै वास्तविक व्यक्ति, दर्ता गरिएको व्यवसाय, संस्था वा वैध इकाइसँग सम्बन्धित हुनुपर्ने। आधिकारिक वेबसाइट छ भने त्यसको लिंक पनि दिनुपर्नेछ।

तर “प्रसिद्ध” ठहरिने मापदण्ड स्पष्ट छैन। प्रसिद्ध खाता भन्ने कुरा त्यसको “क्षेत्र र भौगोलिक स्थान” मा आधारित हुने ब्लूस्काईले बताएको छ। यसले “पेशागत मान्यता, स्थापित मिडिया माध्यममा समाचार, विश्वसनीय सन्दर्भ प्लेटफर्ममा उपस्थिति, वा जनचासो जनाउने अन्य प्रमाण” जस्ता कुराहरूलाई ध्यानमा राख्ने बताइएको छ।

“हामी प्रत्येक खाताको समग्र सन्दर्भ र जनहित मूल्यलाई मूल्यांकन गर्छौं,” फारममा लेखिएको छ। “कृपया यस्तो लिंक र प्रमाण प्रस्तुत गर्नुहोस् जसले तपाईंको खाता प्रसिद्धिको मापदण्ड पूरा गर्छ भन्ने सुनिश्चित गर्न मद्दत गर्छ।”
प्रमाणीकरणका लागि छनोट नभएसम्म प्रयोगकर्तालाई जवाफ गदिइने ब्लूस्काईले बताएको छ। कुनै सेलिब्रिटी वा चिनिएको व्यक्तिको आवेदन छुट नहोस् भन्ने हिसाबले कसैले आवेदनहरू हेर्ने यसले सुझाव दिन्छ ।

यो प्रमाणीकरण प्रणालीले ब्लूस्काईको अहिलेसम्मको छुट्टै पहिचान — ट्विटर/एक्स वा थ्रेड्स जस्ता प्लेटफर्महरूमा देखिएको प्रयोगकर्ताबीचको असमानतामा असर पार्न सक्नेछ। यदि यो घोषणा ट्रस्टेड भेरिफायरको फराकिलो सञ्जाल स्थापना भएपछि आएको भए, यसले ब्लूस्काई ले केन्द्रिकृत सत्ताबाट टाढा रहने उद्देश्य स्पष्ट रूपमा देखाउनेथियो।

यसैबीच, ब्लूस्काईको डीयर.सोसल नामक छुट्टै संस्करणले प्रमाणीकरणको लागि बढी लोकतान्त्रिक दृष्टिकोण अपनाएको छ — जहाँ जसले चाह्यो उसले आफूले विश्वास गर्ने व्यक्तिलाई भेरिफायरको रूपमा छान्न सक्छ। त्यसपछि ती भेरिफायरले प्रमाणीकरण गरेका अन्य खाताहरू पनि देख्न सकिन्छ।

यसरी, केन्द्रिकृत सत्ताको आवश्यकता बिना सबैले अरूलाई प्रमाणीकरण गर्न वा आफैं प्रमाणीकरण हुन सक्ने सुविधा पाइन्छ। ब्लूस्काई ले यसबारेमा कुनै प्रतिक्रिया नदिएको टेकक्रञ्चले उल्लेख गरेको छ।