सानो गिरावटको बाबजुद अमेरिकामा एप्पल प्रतिको ब्राण्ड लोयल्टि बलियो

काठमाडौं ।

संयुक्त राज्य अमेरिकामा ब्राण्ड लोयल्टिको हालैको तथ्याङ्कले एप्पल प्रयोगकर्ताहरूको ८९ प्रतिशतले अपग्रेड गर्दा अर्को आईफोन खरिद गरेको देखाएको छ। यद्यपि यो हिस्सा सन् २०२३ देखि पाँच प्रतिशत अंकले घटेको बताइएको छ र स्मार्टफोन उद्योगमा यस्तो वफादारी दर अतुलनीय भएको उल्लेख गरिएको छ।

तुलनाको लागि, सामसङ प्रतिको लोयल्टि (वफादारी) सन् २०२१ र सन् २०२५ को बीचमा ६८ प्रतिशत बाट ७६ प्रतिशतमा पुगेको र ८ प्रतिशतले वृद्धि भएको बताइएको छ। यद्यपि, रिपोर्टमा स्याम्पल साइज (नमूना आकार) वा मार्जिन इरर (त्रुटि) जस्ता विशिष्ट डाटाको अभाव रहेको उल्लेख गरिएको छ।

सीआईआरपी (कन्जुमर इन्टेलिजेन्स रिसर्च पार्टनर्स) का अनुसार, एप्पल र सामसङ बीचको वनर लोयल्टि बजारको हिसाबले तुलनात्मक नभएको बताइएको छ भने कोरियाली ब्राण्डका प्रशंसकहरू धेरै कम भएको उल्लेख गरिएको छ।

विश्लेषकहरूले एप्पलले प्रयोगकर्ताहरूलाई सजिलैसँग आफ्नो इकोसिस्टममा राख्ने गरेको औंल्याएका छन्। साथै एन्ड्रोइड विविधताले उच्च दर प्राप्त गर्न सामसङको लागि महत्त्वपूर्ण चुनौती खडा गरेको उल्लेख गरिएको छ।

यस रिपोर्टमा संयुक्त राज्य अमेरिकाका प्रयोगकर्ताहरू मात्र समावेश गरिएका छन् जहाँ आईफोन ५२ प्रतिशत बजार हिस्साको साथ अग्रणी स्थानमा रहेको छ। सामसङ केवल २४ प्रतिशतको साथ दोस्रो स्थानमा रहेको छ भने मोटोरोला १२ प्रतिशत बजार हिस्साको साथ तेस्रो स्थानमा रहन सफल भएको जीएसएमएरिनाले उल्लेख गरेको छ।