Technology Khabar ८ जेष्ठ २०८२, बिहीबार
काठमाडौं ।
भारतीय टेलिकम कम्पनी भारती एयरटेल र गुगलले मंगलबार एयरटेल प्रयोगकर्ताहरूका लागि ‘गुगल वन क्लाउड भण्डारण सदस्यता सेवा’ प्रदान गर्दै साझेदारीको घोषणा गरेका छन्।
गुगल र एयरटेल बीचको यो साझेदारीले प्रयोगकर्ताहरूको सीमित डिभाइस स्टोरेज भण्डारणको समस्या समाधान गर्नेछ।
सबै पोस्टपेड र वाइफाइ ग्राहकहरूले कुनै अतिरिक्त शुल्क नलिई ६ महिनाको लागि १०० जीबी गुगल वन क्लाउड भण्डारण पाउनेछन्।
एयरटेल प्रयोगकर्ताहरूले यो भण्डारण पाँच जनासम्म थप व्यक्तिहरूसँग पनि साझा गर्न सक्ने कम्पनीहरूले एक विज्ञप्तिमा बताएका छन्।
सक्रियताको मितिबाट पहिलो छ महिनाको लागि १०० जीबी क्लाउड भण्डारण कुनै अतिरिक्त शुल्क बिना उपलब्ध हुनेछ, जसले गर्दा ग्राहकहरूले आफ्नो डाटा ब्याकअप गर्न र क्लाउड भण्डारणको सुविधाको अनुभव गर्न सक्ने भारतीय मिडियाहरुले उल्लेख गरेका छन्।
कुनै शुल्क बिना छ महिनासम्म १०० जिबी भण्डारण गरेपछि, ग्राहकको मासिक बिलमा प्रति महिना १२५ भारतीय रुपैयाँ शुल्क थपिनेछ।
यदि कुनै ग्राहकले सदस्यता जारी राख्न चाहँदैनन् भने, उनीहरु गुगल वनको सदस्य हुन सक्दैनन्।
यस साझेदारीको उद्देश्य प्रयोगकर्ताहरूको डाटा भण्डारणसँग सम्बन्धित अवरोधहरू हटाउनु हो। प्रयोगकर्ताहरूले अब ठाउँ खाली गर्न आफ्नो फोटो, भिडियो, कागजात र अन्य डिजिटल सामग्री मेटाउनु पर्दैन।
यसका साथै, एन्ड्रोइडमा ह्वाट्सएप च्याटहरू गुगल खाता भण्डारणमा ब्याकअप गरिन्छ, जसले गर्दा ग्राहकहरूको लागि डिभाइस स्विच गर्न सजिलो हुनेछ। क्लाउड भण्डारण प्रावधान एन्ड्रोइड र आईओएस दुवै प्लेटफर्महरूसँग उपयुक्त हुने बताईएकोछ।
प्रकाशित: ८ जेष्ठ २०८२, बिहीबार
