माइक्रोसफ्ट बिल्ड २०२५: कोपाइलट, विण्डोज ११ तथा एआई एजेण्ट्सबाट के अपेक्षा गर्ने

काठमाडौं ।

माइक्रोसफ्ट सार्वजनिक रूपमा, एआई र कोपाइलटमा निकै केन्द्रित देखिएको छ। कम्पनीको वार्षिक ‘ माइक्रोसफ्ट बिल्ड’ डिभेलपर सम्मेलन मे १९ देखि २२ सम्म चल्नेछ, जुन सामान्यतया कम्पनीका सबै प्लेटफर्महरूमा केन्द्रित हुने गर्छ, तर यसपटक पनि एआई मुख्य आकर्षण हुने देखिन्छ।

माइक्रोसफ्ट बिल्ड सामान्यतया केही बेरसिलो कार्यक्रम हुने गर्छ अज्युरको धेरै चर्चा हुने गर्छ — तर पछिल्ला केही वर्षयता कम्पनीले यही सम्मेलनमार्फत उपभोक्ता उत्पादनहरूमा पुग्ने नयाँ एआई फिचरहरू सार्वजनिक गर्ने गरेको छ।

माइक्रोसफ्टले हालै नयाँ सर्फेस प्रो र सर्फेस ल्यापटप सार्वजनिक गरिसकेको हुँदा, यसपटकको कार्यक्रम सफ्टवेयरमै केन्द्रित हुने अपेक्षा गरिएको छ।

माइक्रोसफ्ट सीईओ सत्या नडेला र सीटीओ केभिन स्कटले होस्ट गर्ने उद्घाटन माइक्रोसफ्ट कीनोटलाई बिल्ड वेबसाइटमा हेर्न सकिनेछ। यसबीचमा, माइक्रोसफ्टले के के कुरामा ध्यान दिन सक्छ भन्ने अनुमान लगाउन सकिन्छ।

विण्डोज ११ मा अझ धेरै एआई थपिँदै

इन्ग्याजेटका अनुसार माइक्रोसफ्टले माइक्रोसफ्ट बिल्ड २०२५ मा ‘एजेन्ट’ — तपाईंको सट्टामा काम गर्ने एआई — को धेरै चर्चा गरेको थियो, र विण्डोजमा एआईले कसरी कामलाई स्वचालित बनाइरहेको छ भन्ने कुरा यसपटक पनि चर्चा हुने देखिन्छ।

माइक्रोसफ्टले सेटिङ्स एपमा एउटा एजेन्ट ल्याउने योजना सार्वजनिक गरिसकेको छ, जसले कम्प्युटरका सेटिङहरू परिवर्तन गरिदिन सक्छ। यो फिचरको गहिरो विवरण वा विण्डोज ११ मा आउने अन्य एजेन्टहरूको झलक उद्घाटन सम्बोधनमा देखिने सम्भावना छ। कम्पनीले तेस्रो-पक्ष डिभेलपरहरूले आफ्ना एपहरूमा कसरी एजेन्ट निर्माण गर्न सक्छन् भन्ने कुराको चर्चा पनि गर्न सक्छ।

माइक्रोसफ्टले फाइल एक्सप्लोररमा सुधार ल्याएर अर्को एप नखोली नै फाइलहरू खोज्न र परिवर्तन गर्न सकिने बनाउने जानकारी दिएको छ, साथै स्टार्ट मेनुलाई पनि सुधार गरेर माइक्रोसफ्ट स्टोर नखोली नै एपहरू खोज्न र डाउनलोड गर्न मिल्ने बनाइँदैछ। यी दुबै फिचर पनि Build मा हाइलाइट हुने सम्भावना छ।

कोपाइलटले तपाईंको डेस्कटप हेरिदिने

कोपाइलटको सबैभन्दा प्रभावशाली फिचरमध्ये एक हो — यसले तपाईं के गरिरहनुभएको छ भनेर हेर्न र त्यसबारे कुराकानी गर्न सक्ने क्षमता। ‘कोपाइलट भिजन’ नामको यो फिचर मोबाइलमा उपलब्ध भइसकेको छ, र माइक्रोसफ्टले यसको विस्तारित संस्करण ल्याउने संकेत दिएको छ, जसले तपाईंको डेस्कटप वा विशेष एप विन्डोहरू हेर्न सक्छ।

विण्डोज इन्साइडर प्रयोगकर्ताहरूले अहिले नै कोपाइलट भिजन चलाउन सक्ने अवस्था छ, तर साधारण प्रयोगकर्तालाई कहिले उपलब्ध हुन्छ भन्ने जानकारी कम्पनीले सार्वजनिक गरेको छैन। यो फिचरको विस्तृत जानकारी र यसको उपयोग दायरा बढाउने कुरा बिल्डमा आउने सम्भावना छ।

माइक्रोसफ्टले मार्च २०२५ मा कोपाइलटमा नयाँ “रिसर्चर” टुल थपेको थियो, जसले ओपनएआईको ओ३ रिजनिङ मोडल प्रयोग गर्छ। तर यो माइक्रोसफ्ट ३६५ सदस्यहरूमै सीमित गरिएको थियो।

यो टुलले तपाईंको तर्फबाट अनुसन्धान गरेर वनड्राइभ र वेब सर्चहरूबाट जानकारी संकलन गर्छ। माइक्रोसफ्टले यो फिचरलाई विण्डोजमा उपलब्ध कोपाइलटको निःशुल्क संस्करणमा ल्याउने योजना भने अहिलेसम्म सार्वजनिक गरेको छैन, तर त्यो बिल्ड २०२५ मा हुन सक्छ।

अन्य सबै कुरा

माइक्रोसफ्टसँग अज्युर, डट नेट र गिटहब जस्ता प्लेटफर्महरू छन्, जुन विश्वका ठूला व्यापारहरूको आधार बन्ने गर्दछन्। एआई सामान्य प्रयोगकर्ताका लागि बढी रोचक विषय भए पनि, माइक्रोसफ्टले बिल्ड २०२५ मा यी प्लेटफर्मबारे पनि थप जानकारी दिने अपेक्षा गरिएको छ।