कृत्रिम बुद्धिमत्ता “मानवताका लागि चुनौती” नयाँ पोपको राय

काठमाडौं ।

पोप लियो चौधौंले चर्चको लागि आफ्ना विचारहरू साझा गर्दै कृत्रिम बुद्धिमत्ता (एआई) आज मानवताले सामना गरिरहेका मुख्य चुनौतीहरू मध्ये एक ठूलो चुनौती भएको बताएका छन्।

क्याथोलिक चर्चले कामदारहरूलाई एआई जस्ता नयाँ खतराहरूको सामना गर्न नेतृत्व लिनुपर्छ भनि पोपले उल्लेख गरेका छन्।

प्रविधिले “मानव मर्यादा, न्याय र कामको संरक्षणको लागि नयाँ चुनौतीहरू” प्रस्तुत गरेको ६९ वर्षीय पोप लियोले बताएको उल्लखे गरिएको छ।

उनले विश्वका १.४ अर्ब क्याथोलिकहरूलाई नाम छनौटको बारेमा व्याख्या गर्दै एआईको बारेमा उल्लेख गरेको स्काईन्यूजलाई उद्धृत गर्दै टेलिग्राफले रिपोर्ट गरेको छ।

उनले आफ्नो नाम पोप लियो तेह्रौंको नामबाट राखिएको बताए, जो सन् १८७८ देखि सन् १९०३ सम्म पोप थिए र औद्योगिक युगको सुरुवातमा कामदारहरूको अधिकार र पूँजीवादको बारेमा बोलेका थिए।

त्यसैगरी आधुनिक क्याथोलिक सामाजिक विचारको जग बसाल्ने स्वर्गीय पोपले लेसेज–फेयर पूँजीवाद र राज्य–केन्द्रित समाजवाद दुवैको आलोचना गरेको उल्लेख छ।

“हाम्रो समयमा, चर्चले मानव मर्यादा, न्याय र कामको संरक्षणको लागि नयाँ चुनौतीहरू प्रस्तुत गर्ने कृत्रिम बुद्धिमत्ताको क्षेत्रमा अर्को औद्योगिक क्रान्ति र विकासको प्रतिक्रियामा सबैलाई आफ्नो सामाजिक शिक्षाको खजाना प्रदान गर्दछ,” पोप लियो चौधौंले भने।

क्याथोलिक चर्चलाई समावेशी, विश्वासीहरूप्रति ध्यान दिने र “अस्वीकृत” को ख्याल राख्ने संस्था बनाउन आफ्नो पूर्ववर्ती पोप फ्रान्सिसको आधुनिकीकरण सुधारहरू पछ्याउने पोप लियो चौधौंले स्पष्ट पारेका छन्।

लियोले उनी आफू दोस्रो भ्याटिकन परिषद्को सुधारहरू, चर्चलाई आधुनिकीकरण गर्ने सन् १९६० को दशकका बैठकहरूप्रति पूर्ण रूपमा प्रतिबद्ध भएको बताएको छन्।