सामसङले मे १२ मा भर्चुअल अनप्याक्ड इभेन्ट आयोजना गर्दै, के के अपेक्षा गर्ने?

काठमाडौं ।

दक्षिण कोरियाली टेक जायन्ट सामसङले आगामी मे १२ तारिख राति ८ बजे (ईस्टर्न टाइम) एउटा भर्चुअल अनप्याक्ड कार्यक्रम आयोजना गर्ने भएको छ। कार्यक्रम सामसङ न्युजरुम र कम्पनीको आधिकारिक यूट्युब च्यानलमार्फत प्रत्यक्ष प्रसारण गरिनेछ।

इन्ग्याजेटका अनुसार कम्पनीले “ग्यालेक्सी को अर्को विकास चरण” को झलक दिने बताएको छ, साथै “ग्यालेक्सी एस श्रृंखलाको नयाँ सदस्य” का बारेमा थप विवरण सार्वजनिक गरिने उल्लेख गरेको छ। यसको अर्थ, जनवरीमा आयोजित अनप्याक्ड कार्यक्रममा पहिलोपटक झल्काइएको ग्यालेक्सी एस२५ एज स्मार्टफोनबारे अब थप जानकारी सार्वजनिक गरिने निश्चितप्रायः देखिन्छ।

ग्यालेक्सी एस२५ एजबाट के आशा गर्ने?

यस पटकको इभेन्ट ग्यालेक्सी एस२५ एज मा केन्द्रित हुने सामसङले आफ्नो ब्लगमार्फत पुष्टि गरिसकेको छ कि। लामो समयदेखि हल्लामा रहेको यो डिभाइसबारे केही महिना अघि आधिकारिक रूपमा जानकारी बाहिर ल्याइएको थियो। कम्पनीले थोरै प्राविधिक जानकारी पनि सार्वजनिक गरिसकेको छ — यो फोन ग्यालेक्सी एस२५ को तुलनामा अझ पातलो आकारमा आउनेछ र २००MP को शक्तिशाली वाइड क्यामेरा ल्येन्स समावेश हुनेछ।

यो फोन ग्यालेक्सी एआईसँग एकीकृत हुने कम्पनीले दावी गरेको छ जसले क्यामरालाई “स्मार्ट लेन्स” मा रूपान्तरण गर्नेछ। यसले “महत्त्वपूर्ण कुराहरू चिनेका आधारमा नयाँ सम्झनाहरू बनाउन सहयोग पुर्‍याउने” बताइएको छ। तर यो नयाँ क्यामरा सफ्टवेयर हो वा पहिले नै उपलब्ध एआई टुलहरूको प्रयोग हो भन्ने स्पष्ट भएको छैन।

अन्य परम्परागत स्पेसिफिकेसनबारे अझै खुलासा गरिएको छैन। ब्लग पोस्टमा सामसङ ले एस२५ एज लाई “एक शक्तिशाली एआई साथी र इन्जिनियरिङ् चमत्कार” भनी वर्णन गर्दै, यसले “फ्ल्यागशिप स्तरको प्रदर्शनलाई उच्च पोर्टेबिलिटीसँग संयोजन गर्छ” भनेको छ।

यो नयाँ फोनले “स्मार्टफोनबाट हासिल गर्न सकिने कुराको नयाँ मापदण्ड” मात्र होइन, “मोबाइल उद्योगकै विकासको नयाँ युगको ढोका खोल्नेछ भनी कम्पनीले थप लेखेको छ।” यी दावीहरू कति सत्य हुन् भन्ने कुरा मे १२ मा थाहा हुनेछ।

यो अनप्याक्ड कार्यक्रम केवल एस२५ एजमा मात्र केन्द्रित हुनेछ वा अन्य घोषणा पनि हुनेछन् भन्ने कुरा निश्चित छैन। तर सामसङले सधैं अप्रत्याशित कुरा ल्याउने सम्भावना रहन्छ। सम्भवतः एस२५ एज सँगै एस२५+ वा एस२५ अल्ट्राजस्ता थप शक्तिशाली संस्करणहरू सार्वजनिक हुन सक्छन्। साथै, नयाँ एआई टुलहरूबारे पनि खुलासा हुने उच्च सम्भावना रहेको इन्ग्याजेटले उल्लेख गरेको छ।